Brandweer a atende cu candela den cushina di dos persona di edad

Diamars algo prome cu 3 or di atardi, brandweer a sali cu urgencia pa un cushina cu lo tabata na candela. E cas lo tabata bou huma. Den e cas lo tabata tin dos persona grandi ta biba.

Na yegada brandweer mesora a domina y combati e candela. E personal di brandweer a pidi pa presencia di ambulance pa haci un chekeo medico cu e señora, mirando cu e señora a keda basta spanta. E candela a cuminsa na momento cu e señora tabata den cushina dilanti stoof ta  hasando algo y di golpi e  vlamnan a bay halto y no por a domina esaki. Brandweer a yega na ora y a atende cu e situacion mesora.