Boneiru tin 113 kaso aktivo di Covid-19 riba 16 di yanüari 2021. Di e 59 resultadonan di tèst pa Covid-19 ku a drenta, 4 a resultá di ta positivo. Tur persona infektá ta di Boneiru. Kuater persona mas a rekuperá for di ayera. Tin 4 persona hospitalisá pa motibu di Covid-19 di kual unu ta haña kuido intensivo.
Pa baha e sifra di kontagio ta importante pa mantené e reglanan di higiena, manera tene 1,5 meter distansia i laba man ku awa i habon pa evitá kontagio ku e vírùs di corona.
Hasi un tèst si bo tin keho. Por dura promé bo haña resultado. Importante ta pa keda warda den karentena. No sali pa bo no kontagiá otro persona.
Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800.
Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rondó di bo.