Dia 15 di yüli Tourism Corporation Bonaire (TCB) den kolaborashon ku e ‘content creator’ hulandes Kiki Multem i un di e tòp 3 plataformanan di biahe online mas grandi di Hulanda Reishonger.nl, a selebrá Dia Internashonal di Buseo pa Hende Muhé en buska di aventura bou di awa.
Na luna di mei di e aña akí Kiki Multem tabata wéspet di Toucan Diving na Plaza Beach Resort pa optené su sertifikashon di PADI Open Water. Kiki a skirbi den un blòg tokante su biahe di sertifikashon i su eksperensianan ku dia 15 di yüli 2023 a keda publiká riba BonaireIsland.com i riba su propio blòg online KikiMultem.com ku tur luna tin un alkanse di mas ku 25.000 bishitante. E mensahe nobo di blòg a haña sosten tambe di un pòst spesial riba su Instagram @KikiMultem i riba @BonaireIsland.
Lindsey van Loon, ku aktualmente ta kedando na Boneiru pa un bishita individual ku ta regardá medionan di komunikashon, a krea un ‘content’ spesial di buseo pa e plataforma di biahe online mas grandi di Hulanda, Reishonger.nl. Riba Dia Internashonal di Buseo pa Hende Muhé, Lindsey a bai Klein Bonaire ku Buddy Dive Resort i un grupo di hende muhé sambuyadó, kaminda el a partisipá na algun aktividat pa rekuperashon di ref di koral. El a skirbi tokante su eksperensianan riba Reishonger’s Instagram stories @Reishonger, i tambe riba @BonaireIsland. Casper Douma a saka e potrètnan i a traha e videonan.
Ku e formanan di kolaborashon akí TCB ta spera di enkurashá mas partisipashon di hende muhé na sambuyamentu na Boneiru i na otro partinan di mundu.
Pa mas informashon tokante Kiki su blòg, bai riba: https://bonaireisland.com/blog/
