Tourism Corporation Bonaire ta informá
Tourism Corporation Bonaire (TCB) ta anunsiá ku Boneiru lo ta presente na e Travel & Adventure Show na New York. E Travel & Adventure Show ta tuma lugá for di 18 te 20 di mart 2022 den Jacob K. Javits Center.
TCB lo partisipá na e shou akí ku pa promé biaha ta keda organisá na New York, despues ku vários biaha nan a posponé e evento pa motibu di e pandemia. Nan ta konsiderá e Travel & Adventure Show akí komo un remplaso di e New York Times Travel Show ku a para.
E Travel & Adventure Show ta duna bishitantenan e oportunidat pa deskubrí miles di posibilidat di vakansi i ta ofresé nan e posibilidat pa topa ku ekspertonan tòp di biahe, ku ta para kla pa kontestá pregunta i duna informashon aktual ‘real time’ i sugerensianan di biahe.
TCB ta invitá tur esnan presente i partnernan pa bishitá e stènt di Boneiru den e sekshon karibense. Boneiru su number di stènt ta 338.
