Tourism Corporation Bonaire (TCB) ta anunsiá ku Boneiru, konosí tambe komo e sitio mas ideal na mundu pa buseo na kosta, for di 23 te ku 30 di sèptèmber 2023 ta bai organisá e promé Bonaire Dive Week – Siman di Buseo Boneiru den kolaborashon ku PADI, e organisashon mas grandi na mundu di eksplorashon di oséano i buseo, i Buddy Dive, e sede di Reef Renewal Foundation ku ta enfoká riba protekshon i restorashon di ref di koral na Boneiru.
E evento di eksplorashon ku ta dura un siman ta inkluí aventuranan interminabel pa tantu sambuyadó amatùr komo sambuyadó eksperensiá i ta brinda nan oportunidat pa eksperensiá e naturalesa bírgen di Boneiru i deskubrí e mundu diverso bou di laman. E partisipantenan na e Siman di Buseo Boneiru por probechá di buseo na kosta sin límite na Buddy Dive ku 17 buseo planiá, 7 anochi den un akomodashon selektá, un outo di hür durante henter e siman, komementu organisá, transporte for di i pa aeropuerto i hopi mas.
Durante e promé edishon akí di e Siman di Buseo Boneiru, amantenan di bida di laman por verwagt un siman yen di sambuyamentu bou di guia na sitionan renombrá ku ekspertonan lokal, sambuyamentu inolvidabel durante anochi, festividatnan despues di sambuyamentu i presentashon di tantu personal di PADI komo oradornan eksterno, i tambe otro ekskurshonnan eksitante riba nos isla, manera kanamentu, opservashon di para i un oportunidat pa bishitá monumentunan históriko. Boneiru ta ofresé un sin fin di posibilidat pa aventura, tantu riba tera komo bou di laman.
‘Nos ta kontentu di por organisá e promé edishon di e Siman di Buseo Boneiru den kolaborashon ku PADI pa shete dia kompleto di sambuyamentu, aktividat i eksplorashon di nos isla’, segun Miles Mercera, direktor di Tourism Corporation Bonaire. ‘Nos presioso naturalesa i nos laman protehá a bira un sitio di rekreo pa amantenan di aventura i e evento akí lo tira lus riba nos esfuersonan ekológiko pa mantené e bunita medio ambiente akí i e bida diverso den laman ku ta eksistí akí pa nos generashonnan di futuro. Den kolaborashon ku nos partnernan nos ta orguyoso pa habri Boneiru su portanan i su kostanan pa trese sambuyadónan for di henter mundu huntu pa un siman berdaderamente spesial.’
Paketenan pa e Siman di Buseo Boneiru ta kuminsá na $ 1739 pa sambuyadó, okupashon dòbel. Pa mas informashon tokante e evento i e paketenan disponibel bai riba padi.com/padiclubbonaire
Tokante PADI
PADI® (Professional Association of Diving Instructors®) ta e organisashon di buseo mas grandi ku enfoke riba un meta ku te ku awor akí un ret mundial di 6600 sentro di buseo i risòrt, 128.000 miembro profeshonal i mas ku 29 mion sambuyadó sertifiká. Komprometí ku nos planeta blou, PADI ta hasi e milager di mundu bou di laman aksesibel pa tur hende, i di e manera akí ta empoderá hendenan riba henter mundu pa komo Ocean Torchbearers™ eksperensiá, eksplorá i tuma akshon signifikativo pa protehá e mundu bou di superfisie di laman. Ya pa mas ku 50 aña kaba PADI indiskutibelmente ta The Way the World Learns to Dive®, kaminda e ta pone e standarte pa e kalidat mas haltu di treinen di buseo, siguridat bou di laman i inisiativa pa protekshon di naturalesa, miéntras e ta desaroyá e deporte di buseo i hasié un estilo di bida pashoná. Pa sambuyadó atraves di sambuyadó, PADI ta opseshoná ku transformashon di bida, i ku su fundashon mundial, PADI AWARETM, e ta krea kambionan positivo den oséano. Buska aventura. Salba oséano. www.padi.com
