Riba 2 di Desèmber 2024, historia lo wordu marka pa dos persona inkreibel i humilde ku a dediká nan mes pa ultimo tres aña na un mishon di konsientisashon di e Kaso di Boneiru, biahando den Amérika Latíno, Amérika Sentral, Karibe, Merka i Oropa. Nan meta: buska sosten pa pone Boneiru bek riba e Lista di Teritorionan Sin Propio Gobernashon di Nashonan Uni. Durante nan biahe, nan a topa ku sentenares di amigonan i sosten di lidernan hopi influyente, inkluyendo presidentenan i primer-ministernan, ku a duna nan forsa pa kontinua.
Un di e lidernan a bisa, “Kolonianan ta wordu trata manera mucha malkria ku ta komportá nan malu, mientras nan lidernan di liberashon ta wordu trata ku menospresio.” Otro a agrega, “Boso tabata den vale di desesperashon, pero awor boso ta riba e seru di speransa.” Un otro lider a komprende nos situashon measora i a pone e kousa di Boneiru den e mes categoria ku e islanan Chagos, kaminda na islanan Chagos e kolonisado a evakua e populashon kompleto pero na Boneiru e populashon ta mucha grandi pa saka for di isla I ta populando ku imigrante I hasie minoria insignifikativo. Un otro lider amigu balente a deklará, “Kiko? Boso no ta eksistí? Nos lo kambia esaki!” resaltando e urgensia pa pone lus internashonal riba Boneiru su kousa.
Un muhe i un homber balente, Davika Bissessar I James Finies representando nan organisashon humilde Bonaire Human Rights, a enfrenta hopi obstákulo. Pero riba 2 di Desèmber 2024, nan lo marka historia. Na Nashonan Uni, huntu ku Bahamas, un di e otro islanan Karibenjo balente, nan lo tene un evento pa hiba Boneiru su lucha pa un nivel mas haltu.
Nos ta invitá bo ku hopi orgullo pa asisti na e evento históriko aki ku tambe lo wordu transmiti bibu. Nos ta buska 50 amigonan ku ta dispuesto pa presensia esaki. Si bo no por ta na New York, por fabor kompartí e flyer ku un amigu di Boneiru ku por asisti. Tuma kontakto ku nos pa mas informashon: organizationbonairehumanrights@gmail.com o whattsapp: +599 786 4576
