Boneiru ta anunsiá re-introdukshon di buelo pa Kòrsou i St Maarten ku Winair

For di yüli 2023

Winair, den kolaborashon ku Flamingo Airport i Tourism Corporation Bonaire, ta kontentu di anunsiá ku for di luna di yüli 2023 e ta inkluí Boneiru den su portafolio di destinashon, ku re-introdukshon di buelo pa Boneiru for di St Maarten ku un eskala na Kòrsou.

Riba djaweps i djadumingu tin dos buelo semanal for di i pa St Maarten. Ku e buelonan adishonal akí Winair ta ofresé bishitantenan e posibilidat pa biaha sin inkumbiniensia for di St Maarten i e otro islanan pegá ku St Maarten pa Boneiru. Tambe e ta ofresé komunidat boneriano mas konekshon ku Kòrsou i mihó konekshon sin interupshon ku St Maarten, Saba i St Eustatius.

Na Princess Juliana International Airport na St Maarten Winair ta ofresé konekshon pa 15 destinashon, en partikular Saba i St Eustatius. E buelonan for di Boneiru ta ofresé pasaheronan konekshon riba e mesun dia pa e destinashonnan akí i vise vèrsa.

Ku a avionnan ATR nobo e ruta akí ta bira disponibel atrobe. Eksaktamente 5 aña pasá na luna di yüli 2018 Winair a kuminsá ku buelo pa Boneiru. E avion ATR nobo di Winair ta ofresé 48 stul kómodo, un tualèt, servisio durante buelo ku stewardess pa bo siguridat i komodidat. Ta dura mas òf ménos 2 ora pa biaha for di Kòrsou pa St Maarten.

‘WINAIR ta sumamente kontentu ku introdukshon di nobo di nos servisionan pa Boneiru’, segun deklarashon di sr M. Cleaver, presidente i CEO di WINAIR. ‘Nos ta orguyoso ku nos ta e úniko kompania di aviashon ku ta duna servisio na tur 6 isla di Karibe Hulandes. Nan a suspendé nos buelonan pa motibu di COVID, pero WINAIR ta sigui hasi esfuerso pa e islanan den parti nort i parti sùit di Karibe, prinsipalmente e islanan di Karibe Hulandes.’

‘Nos ta kontentu di por anunsiá re-introdukshon di e buelonan pa Boneiru for di Kòrsou i St Maarten den kolaborashon ku Winair. E kolaborashon akí lo ofresé un mihó konektividat i posibilidatnan di biahe sin inkumbiniensia pa bishitantenan di St Maarten i su islanan besiña pa eksperiensiá Boneiru su bunitesa. Banda di esaki e ta ofresé komunidat boneriano mihó konekshon ku Kòrsou i aksesibilidat fásil pa St Maarten, Saba i St Eustatius. Nos tin tur konfiansa ku e ruta renobá akí lo kontribuí na kresementu i desaroyo di turismo den nos region’, segun Miles Mercera, direktor di Tourism Corporation Bonaire. 

Maarten van der Scheer, direktor di Bonaire International Airport, a bisa: ‘Nos ta hopi kontentu di mira Winair bèk na Flamingo Airport. Tin un demanda grandi pa konektividat entre e islanan i e buelo akí lo konektá komunidatnan, empresanan, amigunan i famianan ku otro. Den hopi forma e ruta nobo ta duna servisio na komunidat boneriano. Spesialmente e biahe di un dia sin interupshon entre e islanan BES tabata un prioridat pa Flamingo Airport i su pasaheronan.’ 

E skema di buelo preliminar ta komo lo siguiente:

Djaweps / Djadumingu

WM 803              St. Maarten – Kòrsou                      08.30 – 10.50 or

WM 803              Kòrsou – Boneiru                             11.30 – 12.10 or

WM 804              Boneiru – Kòrsou                             12.40 – 13.20 or

WM 804              Kòrsou – St Maarten                       14.00 – 16.20 or

Bo por reservá bo buelo direktamente serka WINAIR òf serka bo agensia di biahe di preferensia.

Pa mas informashon manda un email na marketing@bonaireisland.com òf wak riba: www.winair.sx.