Boneiru ta amplia su alkanse ku lansamentu di BonaireIsland.com na spañó i aleman

E bunita destinashon Boneiru ta kontentu di por anunsiá lansamentu di BonaireIsland.com na spañó i aleman. E logro akí ta marka un paso importante den Boneiru su strategia di diversifikashon pa introdusí nos isla na paisnan kaminda nan ta papia spañó i aleman, meskos ku e esfuersonan kontinuo pa keda den liña ku e Plan Maestro pa Turismo i e Plan di Rekuperashon di Turismo.

Despues di e lansamentu eksitoso di BonaireIsland.com na luna di sèptèmber 2022, pa medio di agregashon di e vershonnan na spañó i aleman ta sigui engrandesé aksesibilidat di e wèpsait. Awor akí bishitantenan for di regionnan kaminda nan ta papia spañó i aleman por dediká nan mes kompletamente na e bunitesa i e oferta di Boneiru, di manera ku planiamentu di nan biahe ta kana sin problema i den un forma plasentero. 

E wèpsait ku resientemente nan a amplia, ta un fuente detayá pa biaheronan i ta ofresé un bista balioso den e diferente eksperensianan gastronómiko na nos isla, aktividatnan eksitante na aire liber i hopi mas. Sea ku ta trata di eksplorá paisahenan impreshonante, disfrutá di nos kushina lokal òf eksperensiá aventuranan emoshonante, BonaireIsland.com tin tur kos ku nos bishitantenan tin mester pa krea e vakansi di nan soño.

‘Komo parti di nos strategia di diversifikashon nos ta kontentu di por komplasé nos bishitantenan ku ta papia spañó i aleman ku lansamentu di BonaireIsland.com den nan respektivo idioma’, segun Miles B M Mercera, direktor di Tourism Corporation Bonaire. ‘E ampliashon akí ta konektá ku nos dedikashon pa brinda eksperensianan eksepshonal na un públiko mas amplio i ta mustra nos esfuerso pa kumpli ku e nesesidatnan úniko di nos bishitantenan.’

Lansamentu di e vershonnan na spañó i aleman di BonairIsland.com no solamente ta fortifiká Boneiru su posishon riba merkado internashonal, pero e ta sirbi tambe komo base pa e esfuersonan di ‘rebranding’ di nos isla. E paso stratégiko akí ta duna sosten na e kolaborashon kontinuo ku nos partnernan, entre otro e kampaña ku resientemente nos a lansa ku KLM Alemania, ku enfoke riba atrakshon di bishitantenan di merkado aleman. 

Bai riba BonaireIsland.com pa eksplorá e vershonnan ku e idiomanan nobo i pa plania bo siguiente aventura na Boneiru.

Partnernan ku na e momentu akí no ta riba e wèpsait, por manda un email na marketing@bonaireisland.com pa nan tambe keda inkluí.