Tourism Corporation Bonaire i Entidat Públiko Boneiru ta informá
Pagamentu di e impuesto di turista promé ku yegada a bira mas fásil ku posibilidatnan èkstra di pago. For di awe bishitantenan tin posibilidat pa paga via iDEAL tambe, un opshon ku spesialmente na Hulanda ta popular. E posibilidat pa paga via PayPal i Apple Pay tambe dentro di poko lo ta disponibel.
Mas aleu ta enkurashá bishitantenan pa paga e impuesto di turista adelantá, di manera ku na yegada nan tin nan QR-code na man pa asina nan por hasi uso di e ‘Happy Lane’, ku na yegada ta konta komo e ruta rápido.
For di 1 di yüli 2022 Boneiru a remplasá e ‘roomtax’ i e ‘rental car tax’ usual pa un impuesto di turista di $ 75 pa bishita, ku ta bai sostené infrastruktura, e produkto turístiko, e esfuersonan riba tereno di medio ambiente i enseñansa na nos isla. E impuesto ta aplikabel pa tur no-residente di 13 aña bai ariba ku ta drenta Boneiru. No-residentenan di 12 aña i mas chikitu i abitantenan di e anterior Antia Hulandes tin ku paga $ 10 pa kada bishita.
Por paga e impuesto obligatorio digitalmente riba www.BonaireIsland.com te 7 dia promé ku yegada. Si bo tin pregunta òf bo ta deseá mas informashon, e ora ei bo por manda un email na taxsupport@bonairevisitortax.com.
