Boneiru kontra kambio di klima: Partisipá na e townhall meeting dia 18 di desèmber

Kambio di klima ta un desafio ku ta afektá tur hende na Boneiru. Nos bunita
isla ta enfrentando retonan grandi, manera un superfisie di laman ku ta subi, yobida pisá
den un tempu kòrtiku i periodonan mas largu di sekura. Kon nos por sòru pa un Boneiru
habitabel? E kontesta nos ta haña den akshon i kolaborashon.
Pa e motibu akí entidat públiko Boneiru i e grupo di proyekto di Mesa di Klima Boneiru ta
organisá un townhall meeting riba djárason 18 di desèmber na Jong Bonaire, di 18:00 or
pa 20:00 or. Por drenta i tuma asiento for di 17:45 or.
Kiko bo por verwagt?
 Diputado A. Cicilia ta duna splikashon tokante importansia di Mesa di Klima
Boneiru.
 Presidente di e Mesa di Klima, sr. N. Oleana, ta introdusí e grupo di proyekto i e ta
presentá e plan di aserkamentu tokante kon huntu nos por yega na un plan di
klima pa un Boneiru habitabel.
 Espasio pa hasi pregunta i kompartí idea.
Dikon e Mesa di Klima ta importante pa Boneiru?
Kambio di klima no ta afektá solamente nos naturalesa, pero tambe habitabilidat i futuro di
nos komunidat. Pa medio di drenta den kòmbersashon huntu, nos por haña solushonnan
ku ta protehá Boneiru i hasié mas fuerte.
Partisipá!
Kordialmente nos ta invitá tur habitante di Boneiru pa ta presente i pa laga tende nan bos.
Huntu nos ta hasi e diferensia!