Boneiro ta manda 120 flamingo riba un gira internacional pa regala tres biahe gratis

Tourism Corporation Bonaire ta manda 120 flamingo riba un gira pa organisa eventonan pop-up na New York City, Toronto y Miami. Participantenan for di cada Ciudad tin chens di gana un biahe gratis pa dos persona.

Tourism Corporation Bonaire ta manda un grupo di 120 flamingo flamboyante riba un aventura internacional como parti di su campaña di turismo It’s In Our Nature. E grupo di flamingo flamboyante ta cuminsa su gira na New York City dia 7 di september 2023. Despues di esey dia 16 di september 2023 e grupo ta bay Toronto y na fin di luna e gira ta termina na Miami.

Hendenan den e tres ciudadnan aki por haña e grupo di flamingo flamboyante pa medio di bishita www.flashflamboyance.com. Kada evento pop-up ta ofrece momentonan di saca potret, premionan gratis, informacion tokante e destinacion y un chens pa gana un biahe gratis pa dos persona pa Boneiro. Pa cada un di e tres ciudadnan ta entrega un premio. Solamente e personanan cu haña e grupo di flamingo flamboyante y ta personalmente presente, ta bini na remarca pa participa y gana un biahe gratis pa Boneiro.

“Nos ta spera cu e participantenan na nos ‘flash flamingo flamboyance’ ta haña un muestra chikito di e paraiso cu nos isla ta, y cu nan ta haña inspiracion pa mira nos bunita flamingonan den nan habitat natural,” segun e director di Tourism Corporation Bonaire, Miles Mercera. “Nos ta anhela pa duna un caluroso Bon Bini na e tres felis ganadonan cu a gana un biahe gratis pa por descubri tur loke Boneiro tin di ofrece.”