Dia 16 di October ultimo tabat dia cu internacionalmente a celebra Dia Mundial di Alimento 2022 cu como tema ‘Leave no one behind’, o sea ‘No laga niun hende atras’. E aña aki lema di e celebracion tabata ‘a better production, better nutrition, a better environment and a better life’, cu por traduci como ‘un miho produccion, miho nutricion, un miho medio ambiente y un miho bida.’ Cu e tema y e lema aki nan ta pidi atencion pa siguridad mundial di cuminda y combatimento di hamber.
Food and Agriculture Organization of the United Nations (FAO) a organisa e Dia Mundial di Alimento y e ta un ehecucion cu a cay bou di e metanan sostenibel di desaroyo di Nacionnan Uni. E aña aki a para keto na entre otro con retonan manera e pandemia, cambio di clima, subida di prijs y pobresa cu ta aumentando ta trece siguridad di alimento na peliger y kico por haci contra esaki. Pasobra segun FAO alimento saludabel mester ta accesibel pa tur hende. Pa e motibo aki FAO ta haci un yamada riba tur hende pa traha hunto riba un situacion caminda diariamente ta haci alimento saludabel posibel pa tur hende. Un paso importante ta caminda ta stimula plantamento di cuminda cerca tur grupo di edad.
Na Boneiro Entidad Publico Boneiro ta traha hunto cu partnernan di cadena riba combatimento di pobresa y stimulacion di plantamento di cuminda propio. Departamento di Salubridad Publico por ehempel ta duna atencion na stimulacion di un estilo di bida saludabel cerca tur grupo di edad pa medio di entre otro ehecucion di e programa di berdura y fruta. Cerca e programa aki ta pertenece e campaña cu yama ‘Sembr’Awe Pa Cosecha Mañan’. Cu e campaña aki ta duna atencion na plantamento di palo di fruta y diferente sorto di berdura endemico, cu ta crece mas miho den nos clima y tambe preparacion di cosecha. E departamento di Agricultura, griyo di Bestia y Piscamento (LVV) tambe conoce varios iniciativa caminda ta traha riba produccion di cuminda propio riba escala grandi y chikito.Den cuadro di e programa di berdura y fruta Salubridad Publico y LVV ta traha hunto cu diferente experto pa stimula plantamento di cuminda propio cu experticio di antes, pero tambe cu tecniconan moderno. Den e programa ta duna atencion na tur edad, pero na hobennan en particular. Un ehempel di e colaboracion aki ta e propio greenhousenan cu tin na 10 scol pa laga hobennan cera conoci cu plantamento di cuminda cu ta contribui na alimento saludabel.Dentro di poco ta amplia e proyecto di greenhouse pa bay den tur bario.