KRALENDIJK, Bonaire
For di un prinsipio Tur pais di mundo a sera frontera pa Paisnan di risiconan halto, esaki no ta un exepcion pa e Islanan den Caribe. Aruba, Boneiro y Corsou a scoge pa ta den e maneho di Bubbel. Esaki ta significa cu e paisnan ta habri frontera pa otro , pero cada Pais mester atende cu e reglanan stipula den e regla di Bubbel. Boneiro te ainda ta considera Merca como un Pais di riesgo y no tin frontera habri pa Merca y tampoco pa e personanan cu ta uza Aruba of Corsou como trampoline pa yega Boneiro
Actualmente Boneiro tin tres caso y tur tres persona di Boneiro ta den carentena y ta keda atende debidamente. Gezaghebber di Boneiro Edison Rijna a splica cu e tres personanan aki a yega den un charter cu ta den cooperacion entre e islanan ABC y ministerio di asuntonan di exterior pa e personanan por yega nan Pais bek.
E charter a busca personanan cu tabata na Peru y Ecuador y a bay Aruba mirando cu Boneiro no tin vuelo directo via Peru. Despues cu nan a yega Aruba nan lo a subi un otro avion pa asina yega Boneiro. Ta trata di 19 persona cu a bin Boneiro bek y nan ta den carentena.
Boneiro a inplementa un decreto di emergencia pa Boneiro debi cu Aruba a habri frontera cu Merca y esaki a pone cu Boneiro a pone algun medida di emergencia , esaki ta insera cu Boneiro ta prohibi tur persona cu ta yega for di Paisnan di riesgo halto manera Merca. Arubianonan por sigui viaha bin Boneiro , esaki no ta conta pa esnan cu ta biba na Aruba, solamente pa personanan cu ta bin for di otro Pais cu risico halto y ta haci Aruba como nan stop.
Boneiro a habri su fronteranan y lo sigui habri frontera pero ta haci apelacion na cada persona pa nan sigui cu e protocol pa laba man y mantene distancia. Esnan cu kier bishita Boneiro cu ta sali for di Paisnan cu ta core menos risico y cu ta mas save mester yena solamente un formulario di salubridad cu mester keda yena digital. Islanan di Aruba y Corsou no ta Paisnan di risico, esaki kiermen cu nan por biaha pa Boneiro y visa versa tambe si nan no ta bin di Merca of otro islanan di risico halto y nan mester yena e formulario di salud digital y mester haci copia di e documento y tine den su poder.
