Den fin di siman cu a pasa Boneiro completo a celebra dia di Rincon, un celebracion cu un historia puro y identidad di Boneiro a keda demostra den e cayanan di Rincon. Henter e siman tabatin actividad rond di Boneiro pero e dia oficial a cuminsa cu e marcha di antesala di dia di Rincon unda cu e muchanan di diferente scol tabatin nan marcha.
Despues di Antesala di dia di Rincon a tuma luga un fiesta bailabel cu a caba te cu 4 or di madruga y e mainta cayanan di Rincon tabata completamente cera y na diferente huki di Rincon tabatin escenario cu diferente actividadnan manera canto, baile , comedia , pero tambe den henter e ruta tabatin stand nan di come, cos dushi y di diferente companianan di Boneiro mes pero tambe di Corsou cu a bin promove nan producto.
Despues di e ruta grandi oficial di Dia di Rincon cu diferente grupo y bandanan croyoyo por a presencia e bunitesa di e pañanan di antes y tambe e color bibo cu tin. Despues di e ruta aki den oranan di anochi e mes un banda nan criyoyo a toca te cu 2 or di madruga den henter Rincon unda cu tur hende por a baila y gosa den ritmo crioyo cu a resona henter e dia den e bario di Rincon.
Celebracion di dia di Rincon un identidad di Boneiro cu aña pa aña ta crece y cu ta trece e aspecto y identidad Boneriano padilanti, e cultura di Boneiro ta biba den e Bonerianonan y ta mira cu esaki tambe ta creciendo bao di e Hulandesnan cu ta biba na Boneiro y ta forma parti hunto cu e Bonerianonan y nan ta respeta y celebra e dia special aki di Boneiro… Historia y cultura ta bibo na Boneiro. … pabien Boneiro.
