Otmar Oduber a haya e aprobacion rotundo di su campañadonan y siguidonan pa uni Partido patriotico di Aruba, PPA cu su organisacion PAIS y lidera Partido Patriotico di Aruba, PPA pa hunto hiba Aruba padilanti, cu vision,planificacion y prosperidad pa Aruba
E aña aki 23 October 2024 Partido Partiotico di Aruba, PPA a celebra e hecho cu 75 aña pasa a wordo funda pa Sr Juan Enrique Yrausquin “Juancho” den feliz memoria. Mirando e dedicacion cu PPA tin den tur su añanan di existencia Lider di partido PPA Otmar Oduber tambe ta un persona cu tin e mesun dedicacion. Pesey mes Otmar Oduber lo lidera PPA hunto cu Eddy Bennert den e eleccion proximo den december nos dilanti.
Partido PPA lo tin un vision, maneho planifica pa Aruba. Dia cu a anuncia cu Otmar Oduber lo lidera partido PPA sra Eddy Bennert a expresa cu e ta sinti su mes masha orguyoso cu Otmar Oduber lo lidera e partido. E aña aki ta un aña hopi special pa partido PPA unda cu Partido PPA lo cumpli 75 aña y hunto cu Otmar Oduber lo bay duna e pueblo loke cu e merece.
Eddy Bennert ta indica cu Lider di partido PPA Otmar Oduber ta un persona cu hopi experiencia unda cu a cana hopi aña den pueblo unda cu e tin e carisma y sa kico e kier pa su pueblo. Nos no por kita afo cu Otmar Oduber a logra hopi pa San Nicolas tambe y loke cu Sr Juan Enrique Yrausquin “Juancho” den feliz memoria tambe a haci den pasado unda cu a bin cu e prome hotel pabou, awe por bisa cu Otmar Oduber ta e unico politico cu a logra un hotel pariba di brug pa Aruba. Esaki sigur ta un logro pa nos tur cu ta biba riba e pida baranca aki, pero principalmente pa e ciudadano nan na San Nicolas.
Sinembargo e vision di Otmar Oduber pa San Nicolas no ta keda solamente pa San Nicolas so, Lider di PPA tin un vision hopi mas grandi pa full Aruba. Tambe pa loke ta trata e grandi nan tambe tin un maneho planea con ta trece prosperidad bek pa e grandi nan. E Vision di Otmar Oduber ta klop cu e vision di PPA completamente y ta contento cu no lo mester convence Otmar Oduber pa haci cierto cosnan pero e programa ta cuadra completamente cu e programa cu PPA mes tin ta e vision cu PPA tin pa Aruba tambe. Pesey mes e famia di PPA ta contento di por pasa Otmar Oduber pa lidera e Partido PPA pa asina hunto trece un vision y mehoracion pa Aruba.
Loke cu ta un realidad na momento cu Otmar Oduber bisa algo por confia na momento cu bisa algo e ta cumpli cu ne, e no ta priminti y no ta cumpli. Eddy Bennert ta desea Otmar Oduber hopi exito y ta kere cu e merece esey. Otmar Oduber ta un persona cu semper a dedica na politica pa su pueblo, e la drenta politica y a la conoce varios partido, pero un cos cu ta di remarca cu nunca Otmar Oduber a critica ningun di e partido nan cu e la traha cu nan, pero loke cu semper e ta bisa si cu e por haci miho y esaki ta muestra di ki tipo di persona bo ta y kico por spera di dje den politica.
Sinembargo e decision pa Otmar Oduber sigui como lider di PPA, por bisa cu hopi di e PPA nan bieu a sostene e cambio aki y nan ta contento cu Otmar Oduber ta bay lidera e partido y por conta cu nan sosten tambe. E aña aki partido PPA ta bay cumpli 75 aña y e miho regalo cu pueblo di Aruba por duna PPA ta un par di asiento.