Bon iniciativa cu Thrift Shop di Cruz Cora di Saba

Siguiendo cu e maneho sostenibel, Cruz Cora di Saba aña pasa a cuminsa cu nan prome tienda di materialnan segunda mano riba e isla. Pañanan poco uza y otro mercancianan ta haya un di dos chens via di e iniciativa di caridad aki. e tienda aki ta situa den edificio di Cruz Cora na e parti windward.
Saba, conoci como un destinacion berde, ta cana dilanti den diferente proycto sostenibel. Aña pasa gobierno di Saba a bini cu un prohibicion pa uzo di material di plastic di un solo uzo, cu a drenta na vigor dia prome di januari,2021. E trift shop di Cruz Cora ta cuadra cu e deseonan di e isla pa sigui mehora e partinan di reciclahe y sosenibilidad.
Paña y otro mercancianan cu antes lo a tira afo, awo ta haya un caminda pa nan doño nobo. Tur mercancia ta den condicion y e prijsnan ta varia for di 1 pa 5 dollar. Ta uza e entrada pa aumenta e fondo di programa di emergencia y ayudo, y pa otro proyectonan pa comunidad cu Cruz Cora ta ofrece na Saba. Door di haci donacion di materialnan segunda mano, ta yuda contribui cu e metanan di Cruz Cora. Desde su apertura na december, 2020, tin un fluho continuo di clientenan cu ta bishita e sede semanalmente. E clientenan aki ta mustra hopi aprecio pa e servicio cu Cruz Cora ta brinda.
E setup di e tienda aki ta parecido na otro iniciativanan di caridad di Salvation Army na Merca y “Leger des Heils” na Hulanda. E idea di organisa un thrift shop na Saba tabata un idea di algun tempo caba. Esaki ta e prome di Cruz Cora y lo tin mas di e proyectonan aki na caminda.
“Specialmente den un mundo di isolacion, tension y cambio climatico ta normal cu Cruz Cora mester encurasha e balornan individual y di comunidad. Na mesun momento mustrando respet pa otro sernan humano y medio ambiente, y disponibilidad pa traha hunto pa haya solucionnan pa problemanan di comunidad,” presidente di e directiva di Cruz Cura Sint Maarten Gerald Simmons – de Jong a bisa.
Cruz Cora ta hopi activo na Saba. Specialmente durante e pandemia di COvid-19, yudando Departamento di Salud Publico y gobierno unda cu ta posibel. Gobierno Hulandes local ya caba a haci hopi pa comunidad di Saba tanto prome y den e pandemia, y tin diferente otro NGO riba e isla cu ta envolvi den iniciativanan di comunidad local, manera: Meals on Wheels cu ta un programa di Lion’s Club; The Body, Mind and Spirit Foundation y Lion’s club.