Actualmente riba encargo di Bonaire Overheids Gebouwen (BOG) ta trahando riba Compleho Deportivo Jorge Nicolaas na Caya Amsterdam. Ta pone entre otro un dak nobo. Esaki relaciona cu e echo cu e dak ta pasa awa na varios caminda.
Tambe ta bay pone lus di LED ku ta gasta menos coriente y cu ta cumpli cu reglanan internacional pa luz ora tin competencia deportivo. Expectativa ta cu e trabou aki ta bay dura un siman. Durante e periodo aki e sala di deporte no ta accesibel pa publico. Ya caba usuarionan a ricibi informacion apart tocante esaki. BOG ta ehecuta e trabou di mantencion den sincronisacion estrecho cu Indebon i e contratistanan RMD Advies & Ontwikkeling i Bonaire Installatietechniek.. E partidonan ke traha hunto pa yega na profesionalisacion di e compleho deportivo. Mantencion periodico ta esencial den esaki.
Mantencion di oficina di BHM/BOG/TCB
Na e oficina comparti di BHM, BOG i TCB na Caya Grandi tambe a cuminsa ku trabou di mantencion. Mescos ku na e sala di deporte Jorge Nicolaas, akí tambe ta renoba e dak. Na momento ku ta ehecutando e trabou aki, cuminsamento di Kaya Grandi ta cera. Ta verwagt ku e parti di e kaya aki ta accesibel atrobe pa trafico for di 24 di september.
