Bo a keda cu gana pa mas nos tabata hopi sigur di esey. Awel esaki bo no por perde. Diadomingo 27 di november venidero cuminsando for di 9’or di mainta te cu 2’or di atardi Mercado Santa Rosa Bazaar di Pasco aki na Santa Rosa mes. Animacion musical lo ta den man di Grupo Stimami pa pone ambiente pa tur esnan presente. Den un ambiente di fin di aña caminda bo por bin hasi bo compras di diferente productonan fresco y prepara pa e temporada aki. Nos ta invitabo pabo bin pasa y disfruta di diferente plato navideño cu lo bo bai haya den nos Mercado Santa Rosa. E ham di Pasco no por falta, Ayaca y Galiña. Algo cu no por falta pa e temporada di fin di aña cu tambe lo bo haya den nos mercado ta e Pan di Pasco” Un bon Sopi pabo saboria. Platonan di cuminda crioyo y único ta aki den nos mercado so bo por haye. manera e Comcomber Stoba, Cabez cu Higra, Sopi Carni y Sopi Cabrito.
Manera Semper fruta y berdura fresco no por falta den nos mercado. Pitaya, Mushroom, Tomati y hopi mas. Nos Apicultornan local tambe lo tey pa ofrece nan productonan manera honing, Habon traha di Honing, Biña traha di honing y asina por sigui menciona.
Otro tipo di productonan fresco tambe tin manera pica den diferente sabor. Ginger siroop, remedinan di tera.
Nos Merado Santa Rosa no por sin tin matanan di fruta y tambe ornamental pabo por hasi bo hogar mas bunita e fresco. Asina ta nos ta wardabo pasa aki pa asina scohe esun dibo na un prijs alcansabel pabo cartera.
Famia Pestana lo tey pasina ofrece su clientela y pueblo di Aruba webonan fresco y tambe lo ofrece galiñanan fresco prepara y corta cla pa sopi.
Manera un bon Arubiano después di a saboria un of otro plato crioyo of un bon plato navideño mester di un pasaboca dushi. Diferente sabor di Bolo, Bolo di fruta, Bolo di Pruim, Bolo di Manteca y kuki lo tin. Asina nos por sigui menciona hopi otro productonan local.
No lubida nos Mercado Santa Rosa combina cu Bazaar di Pasco ta diadimingo 27 di november for di 9’or di mainta te cu 2’or di atardi pa asina bo por bin difruta di tur locual tin a ofrece cu bon ambiente musical y den famia hunto cu nos aki na Santa Rosa
