Dia 23 di September ultimo tabata un dia yena cu celebracion y actividadnan pa Biblioteca Nacional Aruba. Combersando cu Directora di BNA Sra. Astrid Britten nos por a haya sa e pensamento di BNA den e actividadnan andando pa no solamente Dia Internacional di Hende cu Deficiencia di oido, pero tambe Hungateca y hopi mas.
Sr. Astrid Bitten a amplia tocante e diferente actividadnan cu a tuma logra e fin di siman aki na BNA y amplia con contento BNA ta pa ta e sede di e diferente actividadnan aki.
E fin di siman aki BNA por a conta cu un serie di actividad manera e presentacion di e buki Dove kinderen op Surinam cu ta refleha bek riba e tempo unda Aruba mester a manda mucha cu deficiencia di oido pa Surinam pa asina nan por a sigui cu nan estudio ya cu esaki no tabata posibel na Aruba. Tambe a nombra con orguyoso nan ta pa tin un persona cu tambe tin un deficiencia di oido cu a experiencia esaki trahando hunto cu BNA.
Tambe a reflexiona tocante e SDGs cu awe ta haci 8 aña desde cu nan a ser cuminsa pa no laga niun hende afo, cu esaki BNA ta sinti bon pa tin un conexion cu esaki y tambe den nan manera fortifica nan.
Biblioteca ta contento tambe di ta e sede pa Hungateca cu ta haciendo diferente actividad riba Dialuna, Diaranson y Diasabra den nan localidad, unda por cierto Diasabra tambe tabata tin un actividad di poppenkast.
Biblioteca Nacional Aruba tambe awor tin e oportunidad di brinda lesnan di Frances pa nos comunidad, si bo persona ta interesa den siña Frances awor esaki tambe ta posibel na BNA.
Por ultimo BNA ta invita Aruba pa participa den diferente di nan actividadnan cu nan por brinda, incluyendo e expo: E Lens di mi Wowo cu te ainda ta habri te fin di September como cu dia 29 di September venidero lo ta e dia cu Tele Aruba lo haci 6 decada den e media y telecomunicacion aki na Aruba.
