Diabierna mainta expolitico Otmar Oduber a wordo hiba dilanti Hues Comisario. Eynan el a bin tende cu e ta wordo laga liber.
Oduber tabata compaña pa su abogado mr. Vito Carlo e mainta aki y despues di argumenta nan caso, Hues Comisario a conclui cu no tin motibo mas pa wanta Oduber cera.
Sinembargo e mester a pasa den un procedura prome cu e por Sali. Esey ta nifica cu a hib’e KIA y den oranan di atardi el a Sali liber. Na salida el a topa su amigonan, su tata y yiu homber. Otmar Oduber a Sali for di política mas cu dos aña pasa. El a bisa cu e estadia den KIA tabata duro pero cu na final e verdad lo Sali na cla.
El avisa cu Bochincha ta e único cu ta di dje y no e otro 20 negoshinan manera ta wordo menciona. Otmar Oduber ta un politico cu un trayectoria grandi na Aruba y a laga politica atras pa su yiunan y salud. Otmar Oduber a traha pa Aruba y a logra hopi cosnan positivo pa Aruba. Manera e la menciona for di un prinsipio Berdad semper ta vence Maldad.
foto: BoInformado