Ku asombro mi a tuma nota ku mi nòmber tambe a wòrdu menshoná den un mensahe indikando ku mi lo a tuma retiro for di mi partido, kual ta partido M21.
E mensahe aki no ta kuadra ku realidat. Di ningun forma. Ami Benrick Martis, na ningun ora, no a tuma retiro for di partido M21. Mi no a manda un Whatsapp indikando ku mi lo ke tuma retiro i sigur mi no a manda un karta di retiro.
Mi no sa for di unda e informashon aki a sali, pero e bèrdat ta ku e informashon aki no ta kuadra ku realidat. Mi ta lamentá ku e informashon aki a wòrdu publiká sin tuma kontakto ku ami personal. Ami ta i lo keda forma parti di partido M21. I ami ta i lo keda sostené nos lider Sra. Daisy Coffie.
