Awe pa 4 or di atardi porta di KIA tabatin diferente fanaticonan di AVP y tambe famia di señor Benny Sevinger cu a keda deteni varios dia caba na KIA. Despues cu su abogado awe den corte a haci peticion pa laga Benny Sevinger den libertad. Mester bisa si Sevinger pa basta dia caba no a keda interoga mas debi cu tur e interogacion ya caba a tuma luga y basicamente tabata cera sin cu tabata tin base mas.
Na momento cu e peticion aki a drenta ministerio publico no a bay contra di esaki y a duna aprobacion pa Benny Sevinger por haya su libertad condicional unda cu Sevinger tin cu cumpli cu e diferente condicionnan cu ministerio publico a pone pa su persona.
Por a mira parti di pafo di KIA un multitud di persona y tambe esunnan cu ta stima e politico y a sostene y apoya e politico durante cu e tabata den e proceso doloroso aki. Famia di Sevinger tambe tabata presente y sigur hopi contento cu e decision aki. Lider di partido AVP Mike Eman tambe tabata presente y otro coleganan politico pa asina di e manera aki duna sosten na su persona.
Sevinger tin mas cu 70 dia cera y awe e la haya su libertad condicional despues cu Sevinger a sali di e porta di KIA e la encontra su famia na porta unda cu ta sumamente contento cu e la sali afo y despues e la sali pafo di cura pa asina saluda tur esunnan cu a bin pafo di KIA pa dune su sosten y tambe su mama cu tabata presente hunto cu su ruman muhe. Benny Sevinger su prome palabra nan despues di e sali di KIA e la gradici tur esunnan presente y tambe DIOS na prome cu tur cos. ‘’Bo por detenemi, boei mi , cerami , kitami sunu , purba di humiyami pero hamas por susha mi alma y curason ‘’El que nada debe nada teme’’ E no ta bay ta facil e ta bay ta un caminda fuerte e caminda pa prueba libertad e ta bay ta fuerte segun Benny Sevinger, tur dia cu mi tabata cera den KIA e amor di mi famia y amor di tur e hendenan cu ta sostene mi persona ta wantami fuerte
Benny Sevinger ta gradici tur esunnan cu ta traha den KIA paso nan trabao ta hopi pisa. Awor ta bay traha y lo bay conta tur cos di loke mi a pasa den dje. Di investigacion y persecucion nan a hura y nan a kere cu benny no ta bay ta den parlamento cu nan kier of no Benny ta bay ta den parlamento.
Awe mi a sali liber un otro persona y cu lo traha pa e pais aki. te ainda mester papia cu mi abogadonan paso mi kier papia tur cos. Ya caba abogado di Benny Sevinger a manda un carta pa gobernador y awor ta keda na gobernador pa wak ki dia lo yama Benny Sevinger pa asina e huramenta. Tambe Benny Sevinger a expresa cu e por a papia cu tur e hobenan cu ta sera y por a mira un otro banda di persona nan cu mester di ayudo y a compromete su mes cu algo mester keda haci pa nos hubenan. E caso penal no a caba ainda , pero si e ta casi full cla.