E punto cu a hiba Minister di transporte Ursell Arends pa haci un cambio drastico y implementa un MB sin pia si cabes y contra ley ta pa motibonan riba indicacion cu supuestamente tin un stapel di documento cu a mustra cu lo tin bendemento di permiso. Pero kende nan realmente a bende nan permiso?
Sinembargo ta trata aki di 8 caso unda cu supuestamente uno so ta trata di caso di bendemento di permiso, aunke tin indicacion tin mas cu uno.Sinembargo mirando esaki e mandatario no a bay OM tampoco pa denuncia esaki, dicon eingelijk ?
Den henter e situacion aki di taxinan loke cu mester ta bon cla bendemento di permiso di taxi NO por sosode, e ta contra ley y e ta castigabel. Hopi persona ta pensa cu henter e asunto aki ta drey solamente rond di bendemento di permiso, pero lamentablemente henter e proceso aki tin hopi factor y hopi puntonan na dje cu no ta corecto.
Mescos cu bendemento di tereno no ta posibel na momento cu un ciudadano haya un tereno di gobierno pa construi e por bende esaki , no por e ta contra di ley , pesey caso aveztruz ta existi awendia, pero tambe e modus operandus nan aki cu posiblemente ta tumando luga den otro departamentonan cu tin investigacion andando actualmente, no ta mustra cu integridad ta biba den e pensamento, kisas e LMA mester tin mas responsabilidad den dje na proteccion di e mandatario cu ta confia su directornan y of hoofd van diensten nan di ta integro?.
Sinembargo kico ta e kostplaatje si berdaderamente Minister Ursell Arends no denuncia e iregularidad nan aki bou di su maneho cu e mes a firma permiso kisas ? Kisas cu tur e bon intencion , pero esunnan rond di dje cu lo mester conseha e mandatario y mester ta integro den su trabou cu ta e persona cu e mandatario mester por confia den e maneho di DTP como director y of conseheronan den e comision existente, e la funciona berdaderamente? E echo ta bendemento di permiso di taxi ta contra ley y parlamento ta para contra di esaki hunto cu e minister cu a vocifera esaki tambe.