No ta un secreto cu na 2015 gobierno di AVP a bin cu e proyecto pa bin cu tram Aruba. E proyecto aki a costa Aruba hopi placa y a sacrifica educacion di Aruba unda cu a opta pa no traha un MAVO /HAVO pa bin cu e famoso proyecto di tram cu no ta genera nada pa Aruba, esaki sigur ta un di e mal decisionnan un biaha mas cu gobierno di AVP. E tram a costa nos tur cu ta biba riba e pida baranca aki 44 miyon florin. Gabinete Mike Eman a bin cu a tramnan cu te dia di awe nan no a duna resultado of entrada pa Arubus.
Tram a keda diseña specialmente pa transporta hende di un destinacion pa otro pero den pais nan grandi e ta un concepto ideal. Aki na Aruba trip den tram cu a costa Aruba mas cu 40 miyon florin ta di un distancia di waf pa centro di ciudad cu den algun minuut e turista por cana y disfruta di Aruba su otro negoshinan cu tin rond y bende e producto Aruba.
Banda di cu e idea pa bin cu tram na Aruba cu no ta genera ni 1 florin pa Aruba, ta saca esaki for di cartera di pueblo di Aruba, awe mas cu nunca tram na Aruba ta un proyecto cu no merece di existi. Banda di henter e mal decision aki di bin cu un idea cu no ta pas pa Aruba a pone e famoso departamento di Arutram bao di Arubus cu consecuencia cu ta hisa e gastonan di Arubus y ta hinca e departamento den un situacion delicado.
Actualmente minister Ursell Arends ultimo a anuncia prijsnan pa aruparking cu ta saca e placa for di cartera di pueblo, pero no ta drecha loke ta malo den cas mes. Cobra pa parkeerplaats na Aruba riba su mes ta bon, pero duna e miho y espacio di parkeerplaats pa por cobra, Aruba no tin hopi luga pa para y aña nan atras a papia cu lo traha diferente areanan di parkeetplaats bay ariba pa bin cu opcionnan na diferente puntonan den caya, te dia di awe no a mira e progreso di esaki, pero si kier cobra prome cu tin un area y espacio pa duna e posibilidad di parkeerplaats na Aruba. Kico e excuus ta cu no tin placa, pero kico internamente a wordo haci pa tin e buged ey pa traha e parkeerplaats nan aki? Un opcion sigur cu lo genera bon entrada ta bende e tramnan aki cu ta pa spirito core den nan pornada y sin cu nan ta genera ni un cen pa Aruba.
Basicamente por bisa cu Minister Ursell Arends no ta actua cu su curason pa pueblo di Aruba, mirando cu un ciego mes por mira cu na momento cu obheto no ta funcional pa bo y e ta den bon condicion e opcion ta pa bende esaki. Bende e tramnan Arubus lo haya un suma basta considerabel den su presupuesto cu por alivia e presion y situacion delicado cu tin den Arubus.
Sinembargo kico realmente tin e mandatario wanta, kico ta e conexion riba decisionnan mal haci den pasado pa gobierno di AVP pa trek esaki recht. Na ki momento minister Ursell Arends ta para pa banda di e pueblo di Aruba pa maneha un departamento manera mester ta pa gobierno ricibi e entradanan manera mester. Kico ta e afan cu cada bes kier hinca departamentonan di gobierno den man di comercio? Manera ta pasando den Serlimar. Tin indicacionnan fuerte cu minister Ursell Arens ta hunga tur dos banda y sigur ta algo peligroso pa pueblo di Aruba, un dia kier ta carni pero na combiniencia kier ta pisca, un desaroyo cu ta andando den mayoria departamento di minister Ursell Arends. Den tur e proceso aki e pueblo di Aruba ta esun cu ta keda perhudica y hustamente integridad no ta keda implementa tampoco.
