E prome dia di registracion na e diferente edificionan di MFA a bay hopi bon. Esnan cu mas a acudi pa busca yudansa cu registracion via nan App of pa registra via DVG ta e adulto mayor.
Den e dianan cu ta sigui lo continua dunando asistencia na comunidad pa por registra na tur edificio di MFA. Di dialuna pa diabierna for di 7:30 am pa 4:30 pm ‘non stop’. Esnan cu por registea pa e vacuna ta;
Senario 1. Tur persona cu ta cay bou seguro di AZV. E personanan aki ta wordo encurasha pa registra via Aruba Healh App y si no ta logra por pasa MFA pa ayudo. Mester presenta cu carnet di AZV of si tin e App di AZV tambe ta bon y un ID valido.
Senario 2. Es cu NO tin AZV pero ta inscribi na Censo pasobra ta trahando na Aruba pa tempo largo of tempo indefini por ehempel esnan trahando pa estado Hulandes den ‘krijgsmacht’ y nan pareha. E personanan aki por presenta na un di e edificionan di MFA pa por wordo regista. Loke e persona aki mester trece ta un forma di identificacion legal (ID) of paspoort y prueba di residencia na Aruba.
Senario 3. Es cu tin paspoort Hulandes y NO ta un turista, pero ta residenciando serca famia pa tempo largo of tempo indefini, cu no ta inscribi na Censo, pa cual motibo NO tin AZV. Mester presenta na un di e edificionan di MFA pa registra. E persona mester trece su paspoort.
Senario 4. Es cu ta bibando na Aruba pero no tin un estado legal. Mester presenta na un edificio di MFA cu paspoort of un otro forma di identificacion pa wordo registra pa e vacuna.
E campaña di vacunacion national aki ta exclui turista cu vacantie na Aruba.
Pa registra via Aruba Health App mester download esaki den Play of Apple store y sigui e instruccion pa crea un usuario. Es cu tin e App caba mester “update”esaki. Unabez cu a “update” of a traha un usuario lo mira un ‘icon’ di vacuna. Primi esaki y lo bo keda registra pa bo vacuna.
Den un App por traha mas cu un usuario, dus un famia completo por wordo incorporpora den un solo App. Simplemente primi riba “Add user” y lo por incorpora mama, papa y welo cu porta no tin smartphone y por registra pa nan.
Un otro forma cu tambe por registra ta via aruba.dvgapp.org y mescos cu e App sigui e instruccionan pa por traha un usuario y registra.
Es cu no tin AZV lo no por aplica pa e vacuna via Aruba Health App, tampoco via aruba.dvgapp.org .
Pa bo ta semper bon informa ‘like’ nos page riba facebook “Directie Volksgezondheid DVG Aruba”
