Na fin di augustus, e maneho di e union di credito ACU a disculpa su miembronan, pasobra nan no por a cumpli cu e pago di dividendo den augustus, manera a declara den e ultimo reunion general. E maneho tambe a anuncia cu nan ta warda ainda riba aprobacion final y lo haci tur esfuerso pa e pago tuma luga pa mita di september 2023.
Esaki a lanta un discusion considerabel den medionan di comunicacion, incluyendo medionan social, cu hasta personanan cu no ta miembro ta expresa preocupacion cu nan por no ricibi un pago di dividendo. Minister di Financia Javier Silvania, cu ta hopi activo riba su pagina di medionan social i accesibel pa publico, tambe a ricibi preguntanan di algun persona tocante e pago. E mester a splica tur hende cu e no ta responsabel pa pago di dividendo. E maneho a emiti un declaracion ayera na su miembronan, splicando e status di e pago.
Manera nos a indica den nos comunicacion anterior, nos a haña nos mes den e fase di e procedura caminda Banco Central mester a duna su aprobacion pa ACU sigui cu e distribucion di surplus. Lamentablemente, e parti aki no a keda finalisa ainda. P’esei ACU no por a cumpli ku e promesa di distribui e surplus te awor. Nos ta spera di ricibi pronto un contesta di Banco Central i lo tene boso debidamente informa di e desaroyonan. Nos ta pidi disculpa sinceramente pa cualke incomodo cu a causa”, e maneho a informa tur miembro den un declaracion kòrtiku.curacaochronicle.com