Ryan Arends ta un piscado di Savaneta tin dos aña pega na Venezuela, e la bay Venezuela hunto cu su pareha di 7 aña largo unda cu nan a dicidi di casa y pasa un vakantie na famia di e señora , pero pa sorpresa dos aña pasa tabata e inicio di COVID na Aruba y frontera a wordo cera.
Desde e tempo ey Rayan y su casa a keda pega na Venezuela. Sinembargo pa e por a sobrevivi e mester a cuminsa pisca na Venezuela y despues e la cuminsa core taxi pa asina cera un placa y warda pa frontera habri , pero te ainda e frontera no a habri.
Placa cu e la bay c une pa pasa vakantie a caba y e unico solucion tabata traha y famia tabata yuda cu loke cu por. Danki DIOS na cas di famia di su señora e por a keda trankil y asina 2 aña a pasa. Mirando cu cada bes ta pospone pa habri e frontera di Venezuela a dicidi cu nan lo bay Colombia pa asina logra yega Aruba.
Su casa lo busca su documentonan di Colombia y asina via di Colombia nan lo por yega Aruba unda cu nan ta biba. E situacion ta fastio Ryan a busca tur manera pa por traha y cera un placa, pero e ta hopi dificil na Venezuela pa por logra cera un placa y sobrevivi. No ta Ryan su custumber pa pidi placa, pero awor aki si e no por wanta mas y e no ta mira otro solucion pa e por haya un yudansa pa por sali di Venezuela y yega su cas bek. NO ta trata di hopi placa pero un 2000 dollar lo yude pa cumpra passage, cuminsa, y e fronteranan cu e mester paga pa por pasa pa yega Colombia.
Ryan lo mester sali di Punto Fijo bay Maracaibo,Maicao, Riohacha busca pasashi pa por bula y yega Bogota cu destino pa Aruba. E yamada ta bay na famia, amigo, conocsiernan y pueblo di Aruba pa duna un man na un Arubiano hopi conoci y popular na Aruba pa por yega cu hogar bek. E suma cu kier yega ta 2000 dollar pa por logra haci tur e bueltanan y hasta pa test di COVID pa por yega Aruba bek. Number di cuanta di banco ta di mama di Ryan Arends , Aruba Bank, Account 2314470190. Na momento cu e mama ricibi esaki lo por haci un transferencia pa asina e por haya e placa den su man.
