Famia Kock ta haci un yamada na comunidad pa yuda coopera pa por recauda fondo pa Alysha yega Hulanda pa su salud. Eugene Kock ta tata y mama di dos yiu cu a keda den su encargo y un di nan ta malo y mester di yudansa mas profesional cu e por haya solamente na Hulanda. Despues di un recaida e hoben a haci diferente testnan na hospital di Aruba y a resulta cu e tin Multiple Scleorosis/MS . Na Aruba no tin tratamento pa esaki.
Pa e motibo aki mes ta recaudando fondo pa asina cera un suma pa por yega Hulanda y por cuminsa cu un bida nobo pa su yiu na Hulanda. AZV a manda e yiu Hulanda aña pasa unda cu a haya su tratamento nan y e la keda ricibi un pilder for di Hulanda cu e mester bebe pa semper di su bida, sinembargo bebiendo e pilder aki e control nan riba su otro organonan mester keda constantemente y esaki ta caminda cu Aruba no por yuda e hoben debi cu no tin e aparatonan na Aruba pa cu e nivel di control aki. Pesey mes e recomendacion a keda pa bay biba na Hulanda pa asina e control nan keda constantemente pa asina e hoben tin un bida normal. Lamentablemente Aruba no por yuda e hoben pa cu su malesa cu e tin.
E decision a keda tuma y lo biaha pa Hulanda pa asina Alysha por tin su salud. Segun Eugene Kock actualmente su persona y su dos yiunan ta bati cabes hunto y tur tres ta den e organisacion pa por logra recauda fondo. E evento ta bay ta dia 21 di juli proximo y ta bay tin entertaiment unda cu bandanan di Aruba a coopera pa yuda Alysha y lo ta presente mini Tsunami /Asucar/alain Rockney/Indirect/TBS Brassband.
Tambe ta bay tin diferente bar y cushina cu lo bende diferente cuminda , ta bay tin dino jump /insta photo booth aruba/astronout photography/diferente weganan pa gana premio/ happy place party Aruba tambe lo ta presente y e gruponan di Harley di Aruba tambe lo ta bay ta presente.
Tur esakinan lo ta na Parkinglot di Cacique Macuarima school y e evento lo cuminsa pa 10 or di mainta. Pa 5 or di atardi lo prepara pa e caminata mes den bario di sta cruz cu lo Sali pa 6 or di atardi. Ta trata di un fun walk cu lo tuma luga, esunnan cu ta interesa lo mester paga solamente 10 florin y por cana den e caminata di fun walk pa recaudafondo pa Alysha. E caminata ta Sali di Parkinglot di Cacique Macuarima school direccion Urataca, San Fuego, Warawara y ta termina bek na Parkinglot di Cacique Macuarima school.
Tata di Alysha ta haci un apelacion na Aruba pa yude pa por yega Hulanda cu su dos yiunan pa asina e por logra pa su yiu tin un miho salud y cu por biba mescos cu tur mucha.
