Aruba Tourism Authority (A.T.A) ta activo cu e muchanan durante di zomervakantie. E evento “Ban Serio Scavenger Hunt 2.0” ta habri. A.T.A a cuminsa cu e proyecto aki aña pasa y e aña aki lo sigui y lo bishita 13 puntonan na Aruba cu e muchanan y por bay hunto cu nan famia y haci actividadnan hunto pa asina nan por gana premionan.
Durante di e Scavenger Hunt lo bishita 13 punto na Aruba unda cu 6 ta na oranjestad mirando cu oranjestad ta cumpliendo 200 aña e aña aki y pesey mes a pone un poco mas enfoke riba esaki pa asina por siña un poco mas di oranjestad y e otro areanan di Aruba. E proyecto aki ta importante mirando cu e muchanan ta haci algo positivo durante di nan vakantie grandi y na e mes un momento ta comparti cu nan mayornan y na mes un momento henter e famia ta comparti, siña y conoce di nan propio Pais Aruba.
Un di e stop nan ta na e museo nacional di Aruba y tin diferente preguntanan cu ta keda haci durante di e Scavenger Hunt pa asina nan por yega na gana un premio. Importante ta pa esunnan cu ta desea di participa mester downloud e myAruba app unda lo ricibi tur informacion pa por sigui e secuencia di preguntanan relaciona cu Aruba.
Aruba Tourism Authority (A.T.A) ta kere cu tipo di actividadnan asina na Aruba ta importante mirando cu tin algun mucha ta biaha bay cu vakantie , pero tin algun cu no ta alcansa di haya un vakantie den exterior, pero Aruba Tourism Authority (A.T.A) ta kere cu na Aruba mes tambe ta importante pa conoce un poco mas di nos mes y explora Aruba como un famia y conoce e partinan di nan mes un cultura di Aruba.
E aña aki “Ban Serio “Scavenger Hunt 2.0 “ a dicidi di bin cu un personahe pa encurasha e muchanan pa explora Aruba, pesey mes a tuma e decision di bin cu un personahe den un forma di cartoon di un colega di A.T.A mes cu a traha riba e proyecto y a duna e personahe e nomber di Mayla.
Mayla lo explora Aruba cu nos muchanan y hobennan hunto cu nan famia. Tambe e aña aki ta lansa un logo nobo pa Scavenger Hunt bou di capa di Ban Serio pa asina e muchanan tin un guia pa link nan mes cu Mayla atrabes di “Ban Serio” unda cu nan ta ricibi un buki tambe cu yama buki di pret. E buki aki tur mucha di basisschool lo ricibi y den e buki por lesa e parti di Ban Serio unda cu tin un QR code y por scan unda cu por bay riba e webpage di banserio.com y por haya tur informacion disponibel con por inscribi y kico mester haci.
Na momento cu downloud e app myAruba mester pensa un nomber creativo crioyo pa bo grupo y e grupo por consisti di maximo 5 persona y den e grupo mester tin mucha entre 6 cu 13 aña, un mayor cu ta core auto y asina crea e grupo manera cu ta desea. Lo tin diferente premionan di diferente sponsor cu ta partnernan cu ta forma parti di e proyecto y tin premionan hopi atractivo manera weekend stay, biahe den catamaran cu ta cosnan sumamente great cu e famia cu a participa por bay bek y experencia parti turistico di Aruba hunto cu e parthersnan. “Ban Serio Scavenger Hunt 2.0 “ ta stimula tur hende como un famia pasa momentonan inolvidabel cu bo yiu durante di nan vakantie di scol y na mes momento ta explora Aruba y amplia conocemento di kico Aruba por ofrece na abo cu ta local.
Un otro evento cu tambe ta na caminda ta poni den buki di pret. Tur mucha cu a ricibi e buki di pret por mira e actividadnan cu “Ban Serio” ta ofrece pa inscribi. Riba pagina 60 por tuma nota di un otro actividad cu por inscribi pe unda cu e mucha por pasa un dia di tour riba un barco crucero. E evento riba e barco crucero ta pa muchanan di 8 aña bay ariba. Cada mucha of hoben cu kier participa mester inscribi nan mes via di buki di pret su website. Ban explora Aruba cu Mayla.
