Fundacion Rancho ta forma parti di e desaroyo riba conscientisacion di sclavitud na Aruba pero tambe den Caribe. Presidente di fundacion Rancho Clifford Rosa ta duna di conoce cu e reconocemento di Tula den Reino di un manera historico ta importante pa Aruba. Pesey mes a cuminsa pone atencion riba dia di Tula unda cu 17 di Augustus 1795 a sosode e sclavitud cu te awe ta historia cu nos tur sa di dje, e no sosode na Aruba so pero na Corsou tambe.
Aruba como e isla ruman di Corsou ta importante pa e historia sigui pa sa kico a pasa despues di 1795. E berdad ta cu Aruba mes no tin mucho historia di nos mes un pasado den e parti di historia di sclavitud, pero si por a mira di locual cu a sosode. Fundacion Rancho tin un buki di registro di esclavo, liberacion,nacemento y fayecimento cu ta di 1840 ta significa algo.
Sinembargo si nos ta papiando di Tula cu a sosode na 1795 si mester conecta esaki y papia di e desaroyo cu tin y cu actualmente ta celebrando e existencia di 200 aña di Oranjestad por a tuma nota cu ya caba 1815 ta algo despues cu a sosode cu e lucha di liberacion.
Presidente di fundacion Rancho Clifford Rosa ta kere cu e lucha di liberacion ta un dia pa conmemora y haci un dia pa nos conscientisa, pesey mes dia 17 di augustus awo riba plaza Nikki Habbibe den e edificio di centro di informacion Oranjestad 200 lo bay presenta un anochi di dia di Tula.
Lo ta bay tin un combersacion unda cu ta bay tin un charla y lo tin diferente combersacion nan rond di dje como plataforma herencia nacional di sclavitud na Aruba. Esaki ta pa pone un toke un biaha mas na e plataforma cu ta creciendo y formalisando su mes tambe pa atende cu e tema.
Tambe lo ta presente Joyce Perreira cu lo bay duna un poco di e conocemento di Tula, pero con nos tin cu wak e awendia den nos comunidad. Tambe Nigel Maduro lo ta presente y lo bay elabora loke ta e proceso di tera (land) ta canando den e ultimo temponan. E ta un dia pa recorda e lucha y libertad y e ta un dia cu e ciudadano por expresa su mes.
Como plataforma nacional di herencia di sclavitud na Aruba nos mester wak e contexto aki nacionalmente y ta importante pa debati, combersa y Scucha y educa nos mes un tiki mas p asina tin bon argumento pa por comenta riba e tema di Tula y 200 aña di Oranjestad. E evento ta completamente gratis cu un sonrisa tur hende ta bon bini. Na final di e anochi e cera esaki cu tambu
