Biblioteca Nacional Aruba ta ofrece BoekStart pa baby y ta recomenda mayor cuminsa stimula
lesamento trempan. BoekStart ta un proyecto pa laga baby of peuter cera conoci cu buki hunto
cu su mayor. Lesamento den bos halto pa baby ta stimula e desaroyo di idioma pero tambe ta
fortifica e laso y conexion entre mama/tata y yiu. Ta recomendabel pa cuminsa desaroya e
cultura di lesamento na cas di trempan.
Mayor di baby di 3 luna te 2 aña di edad por inscribi nan yiu na biblioteca (Playa of San
Nicolas) y nan ta ricibi un maletin chikito cu ta contene 2 buki. Un ta di tela y material suave
specialmente desaroya pa un baby por hunga cu ne. E maletin chikito ta un regalo hunto cu e
miembrecia. Miembrecia pa mucha ta gratis. Biblioteca ta ofrece un coleccion grandi di buki di
prenchi pa baby y mucha chikito. Biblioteca ta duna e maletin di BoekStart tanten cu tin.
Baby por cuminsa lesa na biblioteca
