OES ta yuda AZV pa yega na un mihor contacto entre e specialistanan local y esun di Colombia, entre otro via Telemedicina. Ta asina cu entre 25 cu 40 porciento di e pashentnan cu AZV ta manda Colombia no ta cla pa wordo atende di biaha. Esey ta por ehempel door cu nan presion ta mucho halto, nan diabetes no ta regula of door cu e biopsie no ta cla. Esaki ta resulta den un estadia mas largo cu necesario y malcontento di e pashent.
Cu cooperacion di OES, AZV ta soluciona e problemanan aki pa haci e tratamento medico den exterior mas eficiente y mas satisfactorio pa e pashent.
Riba e potret: Sofía Rincón (Directora de Gestión de Procesos Clínicos), Teresa Tono (Directora General di OES) y Edwin Jacobs (Director di AZV)
