Fundacion Mariadal i e Asociacion di Dokternan di Cas di Boneiro a firma un acuerdo pa haci trafico electronico di recept posibel. Esaki ta un paso grandi padilanti pa servicio i siguridad di cuido farmaceuticonan Boneiro.
Pa medio di djis primi un conopi e dokternan di cas por manda nan receptnan pa e boticanan di Mariadal. Pues pashentnan no tin mester di bay botica mas pa entrega nan recept. Despues cu botica ricibi e recept, ta pone e remedinan cla i e siguiente dia di trabou despues di 15.00 or nan por bay busca e remedinan. Esaki ta scapa e pashent hopi ora di warda.
Centro Medico Central (CMC) i Bonaire Medical Center (BMC), hunto cu e specialistanan di Mariadal, tabata algun di e prome cu a adopta e metodo aki. Sinembargo, ku e expansion recien, e servicio aki awor ta disponibel pa tur practica di dokter di cas riba na Boneiro. E implementacion di e proyecto aki a ser prepara cuidadosamente pa un grupo di trabou consistiendo di dokternan di cas, miembronan di Primary Care Caribbean, boticarionan di tanto Botica Sabana como di Fundacion Mariadal, i e departamento di ICT di Fundacion Mariadal.
Na cabamento di e aña akí e sistema di track and trace tambe lo bira operacional. Esaki ta duna e boticanan e posibilidad pa manda un e-mail of SMS pa e pashentnan ora e remedinan ta cla.