Si asina mes awenochi, si awe diamars 15-8-2023, pa 7:30 -9;30 pm lo tuma lugar na Iglesia Pentecostal di “Aruba E BACK TO SCHOOL PRAYERNIGHT”. Iglesia Pentecostal di Aruba ta situa na Dr scheapmanstraat 18 den edificio di Ibero High School net enfrente di Macro Supermarket San Nicolas.
Ta nos tur su deseo pa nos muchanan tin exito na scol, y nos tur ta consiente di tur peliger cu ta existi, bayendo scol, durante scol, y na caminda pa cas despues di scol.
Nos tur ta na altura pa tur e necesidad nan pa scol, paña pa scol, schoolgeld etc.
Pesey Iglesia Pentecostal di Aruba kier invita tur mayor y nan yiu, pa awe nochi tuma un paso di amor y stimacion pa bo yiu, y bini pa nos uni hunto den oracion.
Nos tin pleno confiansa den Dios Todopoderoso, cu ora nos haci oracion, Dios ta contesta y Dios ta bendiciona.
Exito di un mucha na scol, ta un bendicion tanto pa e mucha y su mayornan.
Ta importante pa tur mucha studia y gradua, pa mayan nan por tin un trabao, y asina nan tambe por gana nan pan decentemente.
Iglesia Pentecostal di Aruba ta consciente cu henter Aruba tin mester di oracion,pesey awenochi y tur diamars anochi nos portanan ta habri pa tur esnan cu tin mester di oracion, pasobra un bida sin oracion ta un bida sin Dios, y tambe un bida bashi.
Nos ta spera bo awenochi pa 7:30-9pm na Iglesia Pentecostal di Aruba na San Nicolas dilanti di Macro Supermarket.( Den edeificio di Ibero High School),
Nos ta tuma peticion di oracion pa tur mucha y nan famia please manda bo whatsup msg cu nomber y adres na tel 7403237. 6619150, 5638426 y no lubida nos ta spera bo awenochi.
1 comment
[…] Source link […]