Awe 21 di september 2023 ta dia internacional di pas declara door di Nacionnan Uni, Nos como pais tambe ta cay bou decreto y dianan internacional cu ta wordo declara door di Nacionnan Uni. Dia internacional di Paz ta un dia pa Aruba y mundo henter pa para keto riba e esfuersonan cu nan ta brinda pa mantene paz bibo den nan sociedad.
Nacionnan Uni ta considera dia internacional di paz un dia di sumamente importancia pa e crecemento fundamental di un Pais, por lo tanto ta wordo haci tur biaha riba dia internacional di paz un conferencia entre tur e paisnan cu ta cay bou di Nacionnan Uni. Pa asina mehora e conexionnan entre otro y tambe fortalece e pas entre e paisnan. Nacionnan Uni tin como meta principal mehora e conexion y comunicacion entre Paisnan pa asina sigura cu nan por traha hunto pa e bienestar di e ser humano y nan derecho fundamental.
Dia internacional di paz ta un dia cu nos como Arubiano mester para keto y traha solucion nan pa mantene e paz den nos pais. Paz ta un comprendemento y esfuerso mutuo pa mantene nos pais sin maldad, sin bringamento y sin destruccionnan, mantene nos pais na un nivel unda nos tur por traha den harmonia y treciendo nos pais dilanti.
Paz ta algo importante y tin cu wordo enfatisa bou di hoben y adulto pa asina tin un comprendemento mutuo pa e balor importante cu Paz tin na nos pais y democracia.
Reflexionando riba loke pa Nacion nan Uni ta e meta principal di e dia internacional aki:
“Accionnan pa paz: nos ambicion pa e #ObhetivonanMundial”
E Asamblea General di Nacionnan Uni a declara e dia aki como un dedicacion pa fortalece e 24 ora di no-violencia y paro na tiramento den guera. Nos mundo mester di paz mas cu nunca y p’esey nan ta percura cu tur hende tin e mesun idea di kico paz ta significa pa cada pais pa asina por mantene e expectativanan entre otro.
E aña aki e tema ta “Accionnan pa paz: nos ambicion pa e #ObhetivonanMundial”. Esaki ta un yamada na accion cu ta reconoce nos responsabilidad mutuo pa promove y respalda paz. Alcanza diferente obhetivo, nan sostenibilidad pa asina nos por alcanza un mundo cu paz pa tur hende.
E Secretario General di Nacionnan Uni, António Guterres, a declara cu ” paz ta mas necesario cu nunca. E guera y conflictonan ta causando destruccion, pobreza y hamber y cambiando lugar di biba di decenas di miyones di persona for di nan hogarnan. E caos climático ta afecta tur hende di nos planeta, incluyendo e paisnan na unda ta reina paz, nan ta wordo sacudi pa desigualdadnan enorme y polarizacionnan politico”.
E Obhetivo di Desaroyonan Sostenibel (SDG) y su caminda pa paz:
E aña 2023 ta marca e comienso di e reconstruccion di e aplicacionnan di e obhetivonan di desaroyonan sostenibel (SDG) cu esaki den mente e Dia Internacional di Paz ta fundamental pa asina e coincidi cu e comienso di e obhetivo pa desaroyonan sostenibel.
E obhetivo di desaroyo sostenibel (SDG) ta pa nos yega na sociedad mas husto y inclusivo, liber di miedo y violencia. Sinembargo nos no lo yega e obhetivonan aki sin e contribucion y participacion di tur hende, incluso tambe e 1200 miyones di hobennan cu ta habita nos mundo na e momentonan aki. Uni bo mes na e yamamento di Nacionnan Uni pa actua pa Paz: Lucha contra desigualdad, cuminsa cu e medidanan di cambio climatico y promove y proteha e derechonan humano.
Tur esaki Nacionnan Uni a trece dilanti pa asina haci un yamada na hoben y tur hende pa e dia internacional di paz aki ta un cu gran balor pa nos futuro y Pais. Un dia yena cu paz y metanan pa desaroyonan sostenibel y cero violencia y yena cu harmonia y conexionnan.
