Awe ta Yom Hashoa (Dia di Memorial di Holocaust), un dia unda comunidadnan Hudiu rond mundo ta reuni pa honra e bida di esnan cu a muri y esnan cu a sobrevivi na Holocaust. Riba e dia aki nos ta reflehá i kòrda e genocidio di SEIS MILHON HUDIO dor di Alemania Nazi okupá.
Tur aña, specialmente riba e dia aki nos ta re-compromete nos mes cu nunca mas. Sinembargo, lamentablemente ainda nos ta testigu di horornan infligí riba sivilnan inosente. Sinembargo, Yom Hashoa ta sirbi komo un kòrda ku nos tin e obligashon moral pa tuma akshon kontra e atrocidatnan ei unda ku nan por sosodé.
E komunidat Hudiu di Aruba, Beth Israel Synagogue a reuní pa honra i kòrda e víktima i e sobrevivientenan dor di tene un sirbishi di memoria na nan honor. Durante e sirbishi a kima seis kandela, kada un di nan simbolizando un mion alma hudiu pèrdí.
E kandela a ser encendí pa diferente miembro i invitá di Beth Israel Synagogue. Un di e miembronan mas bieu di nos Kongregashon a kima e promé kandela, i un di e miembronan mas hóben di Kongregashon a kima e último kandela, representando e futuro i kontinuidat di e pueblo hudiu.
Laga e memoria di e victimanan di Holocaust ta un bendicion, mientras nos ta resa pa paz, respet y igualdad, cu ta mas cu nunca necesario den un periodo unda antisemitismo ta creciendo atrobe.