No ta for di awo pero for di basta aña caba trahadonan di inmigracion ta keda lubida dor di nan hefe di trabao cu ta gobierno di Aruba.
Minister Andin Bikker desde cu el a sinta como Minister di Husticia a sinta cu e sindicato y trahadonan di Inmiracion riba nan preocupacionnan, pero awe despues di tres aña ainda e trahadonan di Inmigracion no a mira cu nan lo keda atendi debidamente door di e mandatario.
E sentimienronan pa cu e trato di e mandatario na nan como trahado di Inmigracion no ta esun mas gusta, esaki a keda vocifera tambe na e mandatario ultimo. E promocionnan di e trahadonan ta pega y te ainda nan ta pega. For di inicio di gobernacion sindicato TOPA a sinta cu e mandatario y awe ya caba ta bay haci 3 aña y mei cu a cuminsa papia riba e promocionnan. Esaki no ta e manera pa trata e personal di Inmigracion. Cada biaha ta bin cu un of otro excuus pero nan no ta mira cu tin personal di Inmigracion cu a bay opleiding y caba esaki for di 2013 y nan mester haya nan promocion y te ainda nan no por haya esaki. E unico persona cu por tuma e decision pa e trahadonan haya nan promocion ta e Minister di Husticia y lamentablemente esaki no a sosode. E trahadonan di Inmigracion no ta contento y ta lamenta cu ta tarda asina hopi pa por tuma un decision. E situacion hasta ta pone cu e personal ta sinti cu tin algo contra di nan. Sinembargo tur dia e personal ta na pia di trabao y mirando un aeropuerto completamente yen diasabra ultimo unda cu nan tabatin nan mannan yen cu mas di 4 mil pasahero cu a yega Aruba y nan ta cumpli cu nan trabao di tur dia. E sindicato tin contacto cu e mandatario y awe den oranan di merdia pa ta exacto pa 12:30 lo sinta na mesa y papia un biaha mas riba un solucion pa e personal di Inmigracion por haya nan promocion, segun sindicato Rene Bernabela di sindicato TOPA
Awe sindicato TOPA despues di 3 aña ta sinta cu Minister di Husticia pa promocion na inmigracion cu a keda lubida di 2013
