Awe seis di e shete miembronan di hunta di comisario di banco central Corsou ta baha

Presidente di hunta di comisario di banco central Etienne Ys  ta indica cu no tin ningun demanda contra di gobierno,  pa ta mas duidelijk no tin ningun demanda pa gobierno. E situacion actual ta cu awe 19 di augustus 2021 seis di e shete miembronan di hunta di comisario di banco central ta baha. For di dia 30 di april a propone gobiernonan candidatonan nobo pa e funcion di hunta di comisario cu lo mester calcula dia 19 di augustus 2021. Sinembargo ley ta prescribi cu mester nombra e hendenan aki por lo menos tres luna prome cu e termino vence, dus tres luna prome cu 19 di augustus 2021. Awe nos ta na porta di e fecha y ningun hende no a wordo nombra den e funcion.

Segun Presidente di hunta di comisario di banco central Etienne Ys  den e bankstatuut tin un profecion cu ta bisa si e fecha yega y no tin ningun hende nombra den e puesto presidente di corte di Corsou por apunta temporalmente comisarionan pa banco central. Esaki ta significa cu nan por keda nombra te na final cu gobierno dicidi ta ken nan ta nombra den e puestonan. Presidente di hunta di comisario di banco central Etienne Ys  kier ta bon cla cu no a demanda gobierno pa nombra ningun hende , pero simplemente a bay serca presidente di corte debi cu dia 19 awo lo ta bay tin un buraco na momento cu e miembronan no tey mas. Mester a cuminsa actua awo y bati na porta di presidente di corte debi cu lo ta iresponsabel pa laga un instituto manera banco central keda sin hunta di comisario.

sinembargo ta urgi gobierno nan pa nan nombra mas lihe cu ta posibel e hunta di comisario. Presidente di corte por nombra personanan temporalmente , pero ta keda na gobierno di Corsou pa nombra e hunta di comisario mas pronto cu ta posibel basa riba recomendacionnan cu nan ta haya di hunta di comisario.

Den e statutonan di banco central na Corsou ta bisa hopi cla basa riba recomendacionnan di hunta di comisario cu a keda haci for di 30 di april gobiernonan por scoge. Dicon e statuto di banco central di Corsou ta poni asina , ta pa garantisa independencia di banco central. Di e manera aki ta pone cu banco central di Corsou no ta bira un instrumento di gobierno manera otro companianan. Hustamente pa garantisa e independencia di banco central di Corsou e statutonan ta asina aki.