E anja aki ta un anja historico pa Aruba , un anja cu pueblo di Aruba a vota di un manera separa y cu ta pone politiconan di un manera of otro traha hunto. Tambe historicamente lo por huramenta pa prome biaha den historia mundial Aruba e pida punto di baranca riba mundo Partido AVP ta marca Aruba cu un mancha preto pa por huramenta un politico cu ta cera y cu ta atendiendo ainda cu casonan riba su cabes… AVP sigur un berguensa pa pais Aruba y pa mundo.
Mientras cu ta sigi traha riba formacion di e gobierno nobo, candidatonan 1 te cu 9 di MEP , AVP , RAIZ,MAS y accion 21 mayan ta drenta Parlamento.
Si despues den formacion un of mas bira minister, nan lo sali di Parlamento pa huramenta como minister, y e siguiente candidatonan riba lista di MEP lo drenta Parlamento e ora segun secuencia di number. Awe 10:00 bo por sigi e reunion aki riba tur medio di parlamento pa Aruba presencia esaki.
Tambe, e proceso di Formacion ya a cuminsa. MEP a reuni cu informadornan caba y e proceso ta bayendo bon. Den tur confiansa por bisa cu pronto nos lo tin un gobierno nobo, stabiel, pa nos por percura pa Aruba sigui avansa y recupera completamente. Esaki ta bay ta un anja particular pa Aruba.
