Tur aña riba 14 di November, e tema diabetes ta haya hopi atencion mundialmente. Fundacion Diabetes Aruba ta pone extra atencion riba diabetes na Aruba, enfocando riba e personanan cu diabetes y e profesionalnan di salud den e ramo di diabetes.
E aña aki e Federacion International di Diabetes (IDF) tin como tema; E enfremera y diabetes. Enfermeranan di diabetes y e praktijkondersteuners na Aruba ta realiza un trabou excepcional yudando y apoyando esnan cu tin diabetes of ta na riesgo pa desaroya esaki. Cu e subida continuo den e cantidad di persona cu diabetes rond mundo, e rol di e enfermera y otro professional di salud ta bira cada bes mas importante den e maneho di e impacto cu e condicion por tin riba e pashent.
Diabetes ta presenta su mes na Aruba den cantidadnan relativamente halto. IDF ta calcula esaki na 15% di e poblacion, incluyende esnan cu porta no ta diagnostica ainda.
Despeus di añanan di esfuersonan di e diferente partners y stakeholders e cuido pa diabetes na Aruba ta bon organisa. Esei no ta descarta cu personanan bibando cu diabetes ta haya nan mes enfrenta cu diferente reto. Unda cu educacion ta vital pa ekipa e enfermeranan cu e habilidad pa yuda e pashent surpasa e retonan aki.
Pa es motibo Fundacion Diabetes Aruba kier motiva cada profesional di salud den e ramo di diabetes pa sigui e curso “The Role of Diabetes Educator”. E curso aki ta online, completamente gratis y ta wordo ofreci pa e Federacion International di Diabetes, via https://www.idfdiabeteschool.org/Short-Course/diabetes-educator/. Despeus di a completa e curso por manda e ‘Certificate of Completion’ pa info@fdaruba.com mencionando e profecion y informacion di contacto. Y asina participa pa gana diferente premio manera gift certificates di One Happy Bowl, PurelyGreen, Mario’s Sportshop, Island Grind, Bula, Benu y Botica di Servicio.
Por participa tambe pa gana e permionan aki door di mustra nos con bo ta maneha bo diabetes of bo riesgo pa desaroya diabetes! Con pa participa?!
- Post un potret riba Facebook mustrando con abo ta maneha bo diabetes of bo riesgo pa haya diabetes.
- Uza e hashtag #ManehandoDiabetes, like y tag e page di Fundacion Diabetes Aruba.
Por pensa riba factornan di estilo di bida (alimentacion saludabel y actividad fisico), estado di animo y e uzo di medicamento. Lo scohe e potretnan mas creativo como ganador riba 30 di november.
Pa mas informacion tocante diabetes y Dia Mundial di Diabetes por bishita e Facebook page di Fundacion Diabetes Aruba of tuma contacto cu nos via info@fdaruba.com of na 566-5045.
