Tur aña den luna di sèptèmber, hende for di tur parti di mundo ta bini hunto pa lanta consciencia y desafio di e estigma cu ta persisti rond di Trastorno neurocognitivo di tipo Alzheimer y tur sorto di demencia.
Riba 21 di september, dia mundial di Alzheimer, lo enfoca un biaha mas dicon asina hopi hende ta kere cu demencia ta un forma normal di envejecimento. Esaki so ta mustra cu e campañanan di conscientisacion di publico, manera e luna Mundial di Alzheimer, ta importante pa cambia e percepcion y aumenta conocemento di publico tocante e neurocognitivo di tipo AlzheimerAlzheimer y demencia.
Na Aruba tin un fundacion Alzheimer ta existi pa 21 aña caba unda cu ta informa y educa famianan na Aruba riba e fenomeno di Alzheimer na Aruba y kico ta e desaroyonan internacional cu ta tuma luga. Sra Melva Croes- Yanis ta fundado y presidente di e fundacion Alzheimer Aruba y e ta un Neuropsycologico profesional cu por atende y guia e pashent nan y famianan cu tin un ser stima cu un of otro condicion di e tipo Alzheimer. Otro fundacionnan tin profesionalnan den enfermeria pa cuida e hende pero no tin e profesionalismo di Neuropsycologico pa atende e pashent y haci diagnostico corecto y confiabel ,ta dos cos full diferente. Den e area aki hopi eror ta wordo cometi y esunnan den salubridad no ta controla debidamente kico por y kico no por, esaki sigur ta di lamenta.
E fundacion a lanta 21 aña pasa y ta registra local y acepta internacionalmente como e fundacion oficial di Aruba y e logo y color oficial cu ALzheimer y e cinta Teal ta carga den nomber di Aruba y internacional ta inscribi ta e color Teal no biña, color biña ta color di un otro fundacion oficialmente. Pa arte di magia minister Ursel Arends ta tuma e decision di cambia e color oficial di alzheimer na Aruba.
Algun dia atras por a tuma nota cu minister Ursel Arends ta cometiendo un otro blunder si por yame asina of conscientemente ta haci daño na fundacion Alzheimer pa su kier unda un biaha mas kier trapa y bypass un fundacion local cu ta existi pa 21 aña na Aruba y ta registra na Aruba y internacional unda cu e color oficial ta Teal.
Esaki ta un mal echo di minister Ursel Arends unda cu un biaha mas por mira e falta di respet cu e mandatario aki ta comete cu fundacionnan na Aruba pa crea su propio klik pa maneha esunnan cu e ta desea pa nan wordo maneha manera un popchi unda cu ta dividi y reina unda cu ta trece tur hende y comunidad den confucion.
Un situacion di lamenta pero e strategia di e mandatario ta di manda su soldaatnan bay interoga y haci mane nan ta cu e fundacion y coy piki tur idea di e fundacion pa bay haci esaki manera ta ideanan di e mandatario y door cu ta politico tin e placa pa eherce di biaha e proyectonan, pero e fundacion ta depende di entrada y no tin e mes un forsa cu gobierno, asina e mandatario arogante Ursell Arends hunto cu su soldaat falso nan di dje rond di dje ta haci e trabou sushi pa perhudica Fundacion Alzheimer Aruba.
Banda di tur cos Fundacion Alzheimer Aruba ta sigui riba pia y ta invita e pueblo di Aruba pa un training unda cu tin dokternan y profesionalnan lo duna lectura con y kico ta e miho manera pa atende un persona cu un of otro condicion neurocognitivo y tambe duna tipsnan pa haci na cas na momento cu tin un famia cu Alzheimer na cas. E Traing lo ta di 26-27-28 di september proximo.