Dia internacional di hende muhe un dia cu internacionalmente tur hende ta enfoca pa elogia e ser femenino riba loke tur nan a logra y of kende nan ta. Hende muhe no tur ora tine facil den bida sinembargo tur cos ta depende con bo curason ta forma, ta duna bo indentidad di e ser cu bo ta ilustra y fluya den bida y pa otro.
Ami Farrah Boekhoudt propietario di EAnews.com ta desea tur hende hende muhe di henter mundo felis dia di hende muhe, cu nan pasa esaki den hamonia cu nan famia, mama, casa, yiunan y amistadnan.
Bendishona tur esnan cu ainda tin nan mama cu nan y disfruta di nan maximo. Como hende muhe den e mundo machismo di medio di comunicacion no ta uno facil. Esaki tin den diferente otro tipo di trabaonan tambe. Sinembargo nos como hende muhe ta logra pasando hopi turbulencia pero cu perserveransa ta logra na final.
Como hende muhe y e unico hende muhe riba veld y propietario di un Plataforma di Noticia (NEWS) pa 5 anja caba no ta facil, pero e no ta imposibel. Hende muhe den MEDIA engeneral tin cu ta traha den diferente medio por ehempel revista, talkshow,anchor, reportero durante dia ect ect …. Pero den mi caso dos hende muhe di Aruba a conoce cu ta cubri tur area tanto den dia y anochi y hasta madruga cu ta mi persona Farrah Boekhoudt y Debby Kelly cu ya no ta labora den e ramo aki mas.
Hopi biaha mester ta fuerte, hopi biaha e curason como hende muhe ta hunga un rol importante. Sinembargo si ta biba y pone e reglanan basico di principionan di bida ta indicabo na ki momento ta mas fuerte cu otro teniendo cuenta riba e Noticia cu tin biaha cu mester pone otro hende muhernan den un situacion cu kisas no ta agradabel, pero na momento cu e ta un berdad no lo mester ta un preocupacion.
Berdad no ta perhudica ningun hende y ningun nacion, un dicho cu nunca mi no lo lubida cu mi a siña di mi mentor Jossy Mansur (dfm) un hende cu un caracter fuerte pero cu hopi experiencia y cu mi a sa di conoce y siña hopi cos di dje.
Awe mi kier a para keto un rato como hende muhe den NEWS y tin su mesun Plataforma den mundo di hende homber cu tur cos ta posibel. Mi tin total 23 aña den medio di comunicacion a caba mi MAVO, y mi operation manager MBO, mi a tuma cursonan di fotografia, belichting, editing y tambe scrip writing cu a formami y cu awe mi por domina tur e areanan aki.
Tempo pandemia a drenta mi educacion ta e arma cu a yudami cu mi por a tuma over tur tereno cu mi tabatin personanan apunta in dienst cu tabata mi team, pero DIOS a ponemi pasa den pruebanan y pandemia a bini y manera un hende muhe ta, mi a transforma mi mes den un pulpo a take over tur area y percura pa keda na bida. Awe despues di ta mas alivia di pandemia e team lo forma bek pronto. Esaki ta un poder di hende muhe luchador cu ta kere den su vision y cu lo logra a termino largo.
Lamentablemente mester mira ainda atakenan hopi baho den media contra diferente hende muhe na Aruba y mi mes un persona tambe. Atakenan cu no ta bay direct riba funcionamento of no funcionamento di e ser femenino . Atakenan baho y personal cu ta un indicacion di un falta di respet total pasobra e ta personal y NO profesional.
Hopi di e partinan aki no ta preocupami mucho, paso esnan cu conocemi sa con mi ta y ken mi ta, sinembargo actonan asina aki ta mustra cu mi ta unico y mi ta haci diferencia.
Un hende homber corecto ta cuida, stima, apoya y principalmente RESPETA un hende muhe incondicional, sea ta mama, ruman, yiu, conocier, famia, colega y of amiga tur momento e respet mester tey.
Mi kier conseha cada hende muhe exigi e puntonan aki den tur momento aunke kisas bo ta debil, a lo largo bo lo wordo aprecia y balora.
Sinembargo no ta ami so ta pasa den tipo di pruebanan asina aki den bida , pero pa tur e hende muher nan eyfo cu ta pasa den mes un situacion, mi kier bisa nan ta orguyoso di bo mes y sa cu bo ta special den un forma of otro.
Nos tur ta unico y nos tur ta special dies paso nos ta MUHER
Felis dia di hende muhe Aruba
