Awe 8 di mart 2021 tin 113 kaso aktivo di Covid-19 na Boneiru

Importante: Ora bo tin keho bai tèst, asta ora bo tin keho leve manera fèrkout, doló di garganta anto keintura.

Awe 8 di mart 2021 tin 113 kaso aktivo di Covid-19 na Boneiru. Un kaso aktivo ta bishitante di Boneiru. E otro kasonan aktivo ta trata habitante di Boneiru. Di e 91 personanan ku a tèst ayera, 24 a resultá di ta positivo. Tres (3) hende a rekuperá di Covid-19. Tin 2 persona hospitalisá pa motibu di Covid-19.

Ta importante pa ora bo tin keho bai tèst. Importante ta pa keda warda den karentena. No sali pa bo no kontagiá otro persona. Pa baha e sifra di kontagio ta importante pa mantené e reglanan di higiena. Tene 1,5 meter distansia i laba man ku awa i habon pa evitá kontagio ku e vírùs di corona.

Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rònt di bo.

#PreveníCorona #coronaBonaire #coronaBoneiru