Water- en Energiebedrijf
Bonaire (WEB) ta kontentu di por anunsiá inougurashon
di e planta di awa nobo. WEB a tèst e sistema ampliamente
den yüli i hasié operashonal for di 30 di yüli i for di 1 di
òktober 2021 e produkshon di awa ta pa 100% den man
di WEB Boneiru. Riba djaweps 28 di òktober 2021 WEB a
selebrá esaki ku diferente stakeholders.
Kompañeronan di negoshi di diferente parti di mundu a kontribuí na
konstrukshon di e planta di awa nobo. E apertura ofisial a tuma lugá den
presensia di gezaghebber di Boneiru, señor Edison Rijna i bishitantenan
lokal i internashonal.
Representantenan di Florida Aquastore, Ministerie I&W, ContourGlobal
Bonaire, IDE Technologies, Royal Haskoning DHV i Aqualectra a bini for di
diferente parti di mundu pa presensia e inougurashon ofisial. Nos partner
nan lokal ku tabata presente tabata kompanianan di konstrukshon manera
APPA, ABBA, Streefkerk Architecten + Adviseurs, MCB i Vidanova.
Tabata un selebrashon di e trabou duru durante un pandemia mundial ku a
ser lográ dor di koperashon intensivo. E planta di awa a ser entregá na
tempu i konforme afsprak den kolaborashon ku diferente kompañero di
negoshi, instansia finansiero lokal i apoyo tékniko. E proyekto a ser finansiá
dor di bankonan regional Maduro & Curiels Bank (MCB) i Vidanova.
E planta di awa nobo ta un resultado tambe di un kolaborashon ehemplar
ku IDE Technologies pa e planta di desalinisashon, ku Florida Aquastore pa
e tanki di awa nobo na Seru largu i ku nos komunidat.
E planta na Hato ta produsí 7200m3 awa di bebe pa henter e isla di Boneiru.
