Partido AVP ta e prome partido cu a reuni cu gobernador di Aruba. Lijsttrekker Nr.1 di partido AVP Wendrick Cecilia a presenta na Gobernador pa asina reuni cu gobernador y na unda cu mester bay nombra un informador pa asina cuminsa cu e discusionnan entre e diferente partidonan pa sondea y explora e diferente posibilidad nan di gobernacion.
Segun Wendrick Cecilia di nan banda ta mira cu tin suficiente base cu ta e resultadonan di eleccion di kico e comunidad ta desea un gobierno di AVP cu FUTURO, ta mira suficiente basa pa un partido di coalicion entre AVP y FUTURO cu ta esunnan cu a Sali cu e resultado hopi positivo for di e eleccion.
Comunidad di Aruba a vota y ta anhela un cambio di direccion y esaki lo ta AVP y FUTURO pa forma un proximo gobierno di Aruba. Partido AVP a informa gobernador di Aruba e deseo di partido AVP y den e proceso aki di informacion cu mester bay inicia AVP ta di pensamento cu tin hopi oportunidad pa partido AVP cu ta e partido di mas grandi di Aruba y a pone e deseo di kende lo tin deseo pa bira formado y den e caso aki e deseo ta pa pone Rene Herde como formado di gobierno di Aruba.
Segun Wendrick Cecilia si mester mira partido AVP y FUTURO e diferente topiconan cu a bin dilanti den e eleccion ultimo di partido AVP y FUTURO ta similar y pa e motibo aki mes ta kere cu AVP y FUTURO por forma un gobierno solido.
Na mes momento Wendrick Cecilia ta gradici tur esunnan cu a vota pa partido AVP cu awe partido AVP ta e partido di mas grandi na Aruba.