Diasabra anochi despues cu referee a fluit e wega unda cu Dakota tabatin su ultimo tiro, un pelea a cuminsa EA news tabata presente y na unda cu tambe a keda mes sorprendi con weganan di division asina grandi a termina. Esaki sigur no ta un ehempel como deportista, y sigur nos tin hopi cos pa drecha na caminda. Sinembargo mester bisa na mes momento Aruba no ta e unico Pais rond mundo cu weganan asina importante y grandi ta termina cu un pelea.
E tension di e wega y e bon hugada di cada team ta crea e tension aki na e hungadonan, fanaticonan cu ta presente. Den exterior tipo di weganan asina hasta fanaticonan ta subi veld y crea full un caos na weganan grandi y cu team nan di calidad. Na Aruba no ta un excepcion y diasabra ultimo por a mira un bon wega entre RCA y Dakota y na final por a mira un pelea cu por mira claramente for di unda e la inicia y dicon e la inicia.
Aunke cu tipo di situacionnan asina ta pasa na Aruba y rond mundo , esaki no ta significa cu e ta bon. Deporte ta pa trece union y hunga sanamente y mirando cu den un competencia semper tin un ganado y un perdedo e deportistanan mester por ta consciente cu esey por sosode. Pero na mes momento sa tambe cu ora cu e adrenalina ta ariba hopi cos por pasa sin cu ta desea.
Sigur sigur e coachnan di cada team tin un tarea grandi pa haci na cada deportista mirando cu cada un di nan ta un role model pa nan mes un yiunan y of otro mucha y hobennan y sigur esaki no ta e miho ehempel.
Ta kere cu Aruba por mas y Aruba por miho , pesey mes di cada eror nos ta siña y hunto lo mester tin un miho calidad di deporta di futboll na Aruba, pero nos ta logra esaki unicamente hunto como club nan.
Ta kere cu e federacion mas grandi di Aruba AVB hunto cu e clubnan tin un tarea grandi pa haci riba no solamente focus pa train e deportistanan, pero pa nan ta mas consciente di e balor cu nan tin y e voorbeeld cu nan ta pa Aruba su hubentud.
