Diadomingo anochi ultimo 15 di januari 2023 rond di 10’or polis a bay panort di rotonde di Sasaki, pa un auto cu a bolter.
Na yegada polis a constata tabata trata di un vehiculo color blanco. E accidente a pasa un poco mas pazuid di rotonde di Superfood.
Segun informe no oficial haya na e sitio, tabata ser papia cu un auto color scur a “cera” e auto blanco cu ta un Altezza causando cu e la perde control ranca un palo di luz y bay bolter.
E Altezza a keda completamente destrui y mester bisa cu ta hopi suerte y milager cu e chauffeur a sali bon di e accidente aki, cu por a resulta fatal.
Aunke cu e chauffeur tabata ok, toch a pidi ambulance na e sitio pa haci un control chikito, unda cu na final e chauffeur no mester a bay Hospitaal.
Elmar a presenta, pero a opta pa haci e trabou durante dia, caminda a wordo habri despues di un rato
