Polisnan a sali cu urgencia direccion Salon Boutique SPA pa un auto cu lo a drenta e negoshi sin permiso. Na yegada polisnan a bin topa un Honda Fit color blauw scur den e kapsalon.
Ta mustra cu e vehiculo lo tabata den e parkeerplaats eynan mes y pa un of otro motibo na luga di reverse a bay dilanti cu velocidad halto drenta e luga sin spera. E chauffeur no tabata tin rijbewijs tampoco.
Polis di trafico tambe a wordo pidi pa atende e caso aki, debi cu e chauffeur no tin rijbewijs.
Dos persona a keda herida levemente, pero nada di gravedad. Polis toch a pidi pa un ambulance pa haci un chekeo, unda cu na yegada e Paramediconan a bay paden y papia y mira si tur cost a bon. Niun persona a wordo transporta pa Hospital.
