Pastoor Frank Daal di Iglesianan Cristian Aruba ta duna su prome reaccion riba decision di Hoogeraad na Hulanda. Pastoor Daal ta duna di conoce cu e por compronde cu un persona ta kere cu algo ta dune felicidad berdadero y como humano ta bay tras di e pensamento ey completamente y como pastoor ta compronde e parti aki.
Nos tur riba mundo aki tin pica y nos tur tambe un tempo ta kere cu cierto cosnan por yena nos bashinan cu ta haci nos feliz, esey ta e engaño cu pica ta trece. Pastoor Daal kier ta bon cla cu pica nunca a haci ningun hende feliz y ta pesey Hesucristo a bin y a muri e cruz di calvario y a resucita for di morto pa nos haya speransa y acceso na e berdadero felicidad. Cada hende mester busca e parti aki di nan bida nan mes y haci un decision di nan mes pa nan bida.
Pastoor Daal tin e deseo pa comunidad di Aruba compronde cu henter e proceso aki no ta un partido di futbol di ken a gana of no a gana, pero e ta hopi mas profundo cu esaki. Na momento cu ta papia di moralidad bo no por pone un prijs riba dje y no por bisa ken tin rason of no, pero moralidad ta moralidad y DIOS ta esun absoluto di ki moralidad mester ta esta e bon of e malo.
Aruba a haya un sla hopi duro cu e ley di mes un sexo cu a keda pusha pa Aruba, Corsou y St Maarten ta un berguensa nacional y sigur pa otro pais nan cu ta lanta nan hendenan cu norma y balornan halto. Casacion tabatin un escogencia di laga e decision keda na nivel di e Paisnan den Caribe , Hulanda ta bon na altura di e situacionnan na Aruba y ta wak tur cos cu ta pasa na Aruba y ta bon na altura di e deseo di e ciudadanonan na Aruba.
A wak e marcha pro famia, a wak e 18 mil personanan cu a firma contra di e ley aki , dos biaha e ley di iniciativa pa matrimonio di mes un sexo a keda blokia den parlamento, Hulanda a wak e mamanan preocupa y rabia pa educacion di nan yiunan y por a evalua y tuma nota cu e situacion na e islanan di Caribe ta delicado Aruba ta un Pais pa mas di 90 % lanta riba norma y balornan cristian y laga fundacion orguyo y Aruba deal cu e situacion den un discusion nacional y fix e situacion entre bosnan na Pais Aruba. Hoogeraad por a tuma e decision ey, e amienda tabata uno cu a keda aproba , aunke cu no ta voor pe pero e ta eynan estableci como ley y por a uza esey.Tambe por a haci un referendum cu por midi kico ta loke ta e deseo di pueblo di Aruba den su totalidad. Tambe por a haci e punto aki den eleccion unda cu e comunidad di Aruba tin e chance di expresa nan mes berdaderamente kico nan kier pa futuro di nan pais. Sinembargo Hoogeraad a tuma un desicion unda cu a impone y boeldoos e ley aki no solamente pa Aruba pero pa Corsou y St Maarten tambe.
Segun pastoor Daal cu otro palabra Hulanda a laga sa cu nan ta “The Boss” ketobay e isla di Aruba ta bao di nan y mester haci loke Hulanda manda bisa. Di e manera aki tiki tiko Hulanda ta bolbe ripiti e historia bieu trece bek den presente. Tur e fanfaria y e despensa pa loke ta trata e situacion di sclavitud na final di dia e no a yega na nada. Aruba a haya un sla hopi duro cu e ley aki aproba paso awo mester respeta e ley aki y na unda cu e ley aki a habri un porta hopi peligroso.
Pastoor Daal ta duna di conoce cu pa prome biaha den su bida e por mira con un persona uzando un ley ta bay directo contra di DIOS su diseño. E identidad di mas importante di un Pais ta matrimonio y di matrimonio ta Sali famia. Si e matrimonio y e famia ta bon e Pais ta bon, pero si mester bay konkel den dje y tover den dje lo bo hayabo den un situacion.
Pastoor Daal kier ta bon cla cu pica nunca a haci ningun hende feliz. Si mester mira bon e ley a Sali contra di matrimonio di mes un sexo. Aruba tin asina tanto problema y awo ta pone un mas acerca, ainda Aruba no por resolve e problemanan di e hubentud actual y di e hobennan adultonan di awo cu ta publicamente biba un tipo di bida contra di DIOS, aki ta caminda cu e preocupacionnan ta , ley bin ley bay no ta importa . Actualmente lamentablemente hopi di nos ta yama e bon pa malo y e malo pa bon , esaki ta e tristo realidad cu ta biba den comunidad di Aruba. Sinembargo bijbel ta hopi duidelijk riba e parti aki.
Segun pastoor Daal matrimonio manera DIOS pone ta completamente exponi , famia full exponi y awo nos ta yega na educacion. Actualmente door di e ley aki nos ta forsa door di un ley Hulandes pa bay trata algo desigual, algo abnormal como igual y como normal. Esaki ta pone cu na scol muchanan tin cu haya un educacion pa respeta e ley cu ta e porta principal di generacionnan nobo.
Cu e ley aki e grupo di LGBT + ta haya forsa unda cu derecho di personanan y muchanan cu no ta desea di ta rondona nan mes cu personanan LGBT+ y ta haya e ora cu ta trata di homofobia siendo cu no ta berdad. E ora e siguiente paso ta bisa cu nos tin cu kita e derecho di e mayornan pa educa nan yiunan y tume over y siña e muchanan na scol kico ta amor y sexo ect ect na scol, esaki ta e siguiente stapnan y pensamento nan di e grupo di LGBT + cu ta sigui penetra y indoctrina un pensamento cu ta fuera di normal y fuera di norma y balornan y principio di un bida drechi. Consecuencianan cu ta bin pa Aruba aprobando e ley aki ta grandi y si ta pensa cu awe nos tin hopi problema e problemanan lo bira mucho mas.