ORANJESTAD,Aruba
Ultimo a Sali den medionan di comunicacion cu MCB Corsou lo sera algun branch y lo ubica algun personal den otro departamento na Corsou, indirectamente bisa inkrimping di departamentonan. Sinembargo na Aruba CMB ta canando bon y no tin tipo di problemanan aki, pero pa sopresa e trahadornan a ricibi notificacion cu lo bin cu mes un medidanan cu na Corsou, pero cu akin a Aruba lo ta desea di kita algun hende di trabao.
Informacion no ofical ta reinando cu Corsou kier trata di mantene e trahadornan di Corsou, pero kier sacrifice y kita di Aruba y St Maarten pa wanta esnan di Corso una trabao. E tencion aki ta bibando tanto na Aruba y St Maaten. E empleadonan no ta content cu esaki y a pone nan sindicato FTA negosha cu gerencia di CMB.
Despues di a indica na gerencia cu e forma di proceder di CMB tabata totalmente incorrecto, mirando cu no por haci cambionan unilateral na un acuerdo formal entre partidonan, FTA como partner negociador responsabel a presenta un contra proposicion por escrito dia 10 di juli ultimo. A propone e siguiente modificacionnan na e CAO pa ta solidario cu e situacion financiero/economico di banco:
Firma un addendum cu duracion di 1 aña; Renuncia e aumento salarial di 1 di januari 2021 y na su lugar a propone un lumpsum di AWG 1.500,00; Ÿ Mantene e bonus di fin di aña; Renuncia na e pago di ‘San Nicolas’, ‘Bashi Premie’ y ‘Chulo Balans’ pa duracion di e addendum; Bai di acuerdo cu proposicion di banco pa cu ‘Streamline’ pa duracion di e addendum; Bai di acuerdo cu proposicion di banco pa cu ‘V.E.R.O.’ pa duracion di e addendum; Renuncia na e mitar dia liber ora di cumpli aña, ‘Pret’I Wowo’ y reduccion di tempo di trabao na momento di yega cierto edad pa duracion di e addendum;
En corto, FTA a bai di acuerdo cu 4 proposicion di CMB, a pidi modificacion di 2 punto y a propone un duracion limita di e medidadnan. Traduci den cifras (basa riba entrada di un trahador promedio), cu e propuesta di FTA abo como trahador lo entrega aproximadamente 30% menos di locual CMB a indica di lo kier corta den beneficio.
Dia 14 di juli a reuni cu gerencia unda cu a splica den detailles e motibonan pa a bin cu e proposicionnan aki. CMB a indica cu nan lo tin cu sinta cu gerencia di MCBgroup pa duna un reaccion riba e propuesta di FTA.
Awe, 15 di juli, FTA a reuni un bes mas cu gerencia pa asina wordo informa di nan decision riba e contra-propuesta. Den e reunion aki sinembargo banco a tuma e postura cu mirando cu FTA no a bai di acuerdo cu e reduccion di beneficionan manera cu nan kier, lo (1) retracta e carta di Presidente y CEO di MCB-Group y asina (2) ta mantene tur beneficio pa trahadornan di CMB na Aruba intacto, pero (3) lo cuminsa un proceso di reorganizacion pa asina yega na reduccion di gastonan por medio di retiro di empleadonan.
FTA ta lamenta profundamente e postura intransigente cu MCB-Group y gerencia di CMB a scohe pa tuma den e proceso aki. Ta opta pa un ‘my way or the highway’- approach na lugar di duna un reaccion sustantivo riba un propuesta razonabel. Aunke e postura di banco na prome bista por parse intimidante y crea preocupacion, nos kier sigurabo cu no tin motibo pa preocupa. Un acuerdo mutuo ta depende totalmente di BO aprobacion. Pues ta unicamante si ABO ta di acuerdo cu proposicion (Financiero) cu wordo haci, e relacion di trabao lo yega na su final. Ÿ Por medio di premiso previo duna door di Director di Departamento di Labor; Pa locual ta trata terminacion via Departamento di Labor of via Hues, esaki lo wordo aproba unicamente si CMB por demostra cu e reorganizacion ta absolutamente necesario por medio di pruebanan contundente. Den e caso ey ainda lo mester demostra tambe a base di cua criteria obhetivo a selecciona e empleadonan di cual nan puesto ta cai afo a consecuencia di e reorganizacion.
Den tur e procesonan aki CMB lo mester compensabo debidamente pa bo añan di servicio. Durante cualkier di e procesonan aki ABO como miembro lo tin apoyo completo di tanto e equipo negociador como e equipo legal di FTA, kendenan lo sa di asisti y defendebo debidamente den cualkier posibel proceso cu wordo encamina door di banco. DEN UNION TIN FORSA! Na ningun momento CMB lo por termina bo relacion di trabao unilateralmente den un reorganizacion. Como empleado bo ta goza di proteccion di ley. Hasta si banco cumpli cu su menasa y cuminsa un proceso di reorganizacion na forma correcto, nan lo por bai over na termina bo relacion di trabao unicamente di e siguiente formanan: Ÿ Por medio di disolucion di e acuerdo di trabao door di un Hues imparcial. Ÿ Por medio di un acuerdo mutuo;
Crioyamente ta yama e actitud di MCB/CMB den e proceso aki, uno di ‘spanta balente’. FTA semper lo keda dispuesto pa sinta na mesa y negocia di forma ‘madura’ pero den tipo di weganan aki nos no lo cai.